पहलगाममध्ये प्राण गमावणाऱ्या ले.विनयच्या पत्नीने ‘दिव्य मराठी’कडे व्यक्त केले दु:ख:हिमांशीने अतिरेक्यांना विचारले होते, माझ्या पतीला का मारले?

पहलगाम दहशतवादी हल्ल्यात प्राण गमावलेले कर्नालमधील सेक्टर ७ मधील लेफ्टनंट विनय नरवाल यांच्या घरी शोककळा पसरली आहे. दरम्यान, विनयची पत्नी हिमांशी घराच्या एका खोलीत शांतपणे बसली आहे. पहलगाम हल्ल्याबद्दल दिव्य मराठीशी बोलताना ती अनेकदा रडली. हिमांशीने २२ एप्रिलच्या त्या भयानक दृश्याबद्दल सांगितले. या संभाषणातील मुख्य अंश त्यांच्याच शब्दात… आम्ही पहाटे दीड वाजता निघून दुपारी २ वाजता बैसरणला पोहोचलो. तेथे काहीतरी खात-पीत असतानाच मला गोळीबाराचा आवाज ऐकू आला. मी विनयला सांगितले की गोळीबार सुरू आहे. माझ्या शेजारील व्यक्तीकडे माझे लक्ष गेले नाही. पण तो विनयकडे पाहत म्हणाला, हाही मुस्लिम नाही. त्याने लगेच विनयवर गोळीबार केला. विनय कोसळले. मग त्या माणसाने मला सांगितले- तू इथून निघून जा, त्यानंतर मी त्याच्यावर ओरडत विचारले – तू काय करतोस? तू हे का करतोयस? तू माझ्या नवऱ्याला का मारलं? माझं नुकतंच लग्न झालंय. यानंतर हातात शस्त्र असलेला मुलगा तिथून गेला. पोलिसांना पोहोचण्यासाठी किमान एक तास लागला. दरम्यान, कुणीही मदतीसाठी पुढे आले नाही. विनयला हॉस्पिटलमध्ये घेऊन जाण्यासाठी दीड तास लागला असेल. लष्करातील लोकांनी सांगितले की त्याच्यावर उपचार सुरू आहेत. ५-१० मिनिटांनी मी तेथे पोहोचताच मला सांगण्यात आले की विनयला श्रीनगरला हलवण्यात आले आहे. मी विचारले की त्यांनी मला का नेले नाही, तेव्हा सैन्यातील लोकांनी सांगितले की हेलिकॉप्टरमध्ये जागा नाही. त्यानंतर ते मला पहलगाम क्लबमध्ये घेऊन गेले. तिथून मला आर्मी मुख्यालयातून फोन आला आणि त्यांनी मला आर्मी बेसवर आणले. मी माझ्यासोबत असलेल्या ड्रायव्हरसोबत श्रीनगरला परत आले. मला वाटले की हेलिकॉप्टर त्याच क्षणी तिथे पोहोचले पाहिजे होते, तिथे पूर्ण सुरक्षा असावी. सध्या, विनयला देशात सर्वाधिक सन्मान मिळावा अशी माझी इच्छा आहे.