मतदान केंद्रांवर मतदारांची संख्या वाढविण्याविरोधात याचिका:SCने निवडणूक आयोगाला मागितले उत्तर; सध्या एका मतदान केंद्रावर 1500 मतदार

मतदान केंद्रावर जास्तीत जास्त मतदारांची संख्या 1200 वरून 1500 पर्यंत वाढवण्याच्या निवडणूक आयोगाच्या निर्णयाविरोधात सर्वोच्च न्यायालयात सोमवारी एका जनहित याचिकेवर सुनावणी झाली. न्यायालयाने निवडणूक आयोगाकडून 3 आठवड्यांत उत्तर मागितले आहे. सरन्यायाधीश संजीव खन्ना आणि न्यायमूर्ती संजय कुमार यांच्या खंडपीठाने निवडणूक आयोगाचे वकील मनिंदर सिंग यांना या निर्णयामागील कारण स्पष्ट करण्याचे निर्देश दिले आहेत. पुढील सुनावणी जानेवारी 2025 मध्ये होईल. तसेच याचिकाकर्त्याला पुढील सुनावणीपूर्वी प्रतिज्ञापत्राची प्रत देण्याचे निर्देश दिले होते. न्यायमूर्ती कुमार यांनी असेही विचारले की, “एका मतदान केंद्रात अनेक मतदान बूथ असू शकतात, त्यामुळे हे धोरण एकाच मतदान बूथलाही लागू होईल का?” इंदू प्रकाश सिंह यांनी दाखल केलेल्या याचिकेत निवडणूक आयोगाने ऑगस्ट 2024 मध्ये दिलेल्या दोन निर्णयांना आव्हान दिले आहे. यामध्ये देशातील प्रत्येक मतदान केंद्रावर मतदारांची संख्या वाढवण्याचे सांगण्यात आले आहे. सिंह यांनी याचिकेत असा युक्तिवाद केला आहे की प्रत्येक मतदान केंद्रावर मतदारांची संख्या वाढवण्याचा निर्णय मनमानी होता आणि कोणत्याही आकडेवारीवर आधारित नव्हता. याचिकेत दावा करण्यात आला आहे 2016 मध्ये निवडणूक आयोगाने मतदान केंद्रांवर संख्या वाढवली होती 2016 मध्ये निवडणूक आयोगाने एका मतदान केंद्रावरील मतदारांची संख्या ग्रामीण भागात 1200 आणि शहरी भागात 1400 इतकी मर्यादित ठेवण्याचे निर्देश दिले होते. भविष्यात प्रत्येक मतदान केंद्रावरील मतदारांची संख्या वेळोवेळी कमी करण्यात यावी, अशी मागणी याचिकाकर्त्याने केली आहे.