प्रशांत कोरटकरला कोर्टाचा दणका:कोल्हापूर कोर्टाने अटकपूर्व जामीन याचिका फेटाळली; आता पोलिसांना शरण येण्याशिवाय दुसरा मार्ग नाही

इतिहास संशोधक इंद्रजित सावंत यांना धमकी दिल्याप्रकरणी कोल्हापूरच्या सत्र न्यायालयाने मंगळवारी कथित पत्रकार प्रशांत कोरटकर यांचा अटकपूर्व जामीन अर्ज फेटाळून लावला. यामुळे कोरटकर यांच्यावर अटकेची टांगती तलवार उभी राहिली आहे. आता त्यांच्यापुढे पोलिसांपुढे शरण येण्याशिवाय दुसरा कोणताही पर्यात उपलब्ध नसल्याचे सांगितले जात आहे. प्रशांत कोरटकर यांच्यावर इतिहास संशोधक इंद्रजित सावंत यांना फोनवरून धमकावल्याचा आरोप आहे. स्वतः सावंत यांनी एका पोस्टद्वारे ही माहिती दिली होती. त्यांनी त्याची ऑडिओ क्लिपही सार्वजनिक केली होती. तेव्हापासून चौकशीचा ससेमिरा चुकवण्यासाठी प्रशांत कोरटकर फरार झाला होता. या कालावधीत त्याने कोल्हापूर न्यायालयात अटकपूर्व जामिनासाठी याचिका दाखल केली होती. कोर्टाने सोमवारी (17 मार्च) त्याच्या अर्जावरील सुनावणी पूर्ण करत आपला निकाल राखून ठेवला होता. हा निकाल कोर्टाने आज दिला. त्यात कोर्टाने त्याची याचिका धुडकावून लावली आहे. यामुळे त्याच्यावर अटकेची टांगती तलवार उभी राहिली आहे. आम्ही हे वृत्त सातत्याने अपडेट करत आहोत…