चिंचोली निळोबामध्ये घरावर छापा टाकत गावठी पिस्टल जप्त:हिंगोलीतील गुन्हे शाखेची कारवाई

औंढा नागनाथ तालुक्यातील चिंचोली निळोबा येथे स्थानिक गुन्हे शाखेच्या पथकाने एका घरावर छापा टाकून गावठी पिस्टल जप्त केले आहे. या प्रकरणी एका तरुणावर औंढा नागनाथ पोलिस ठाण्यात मंगळवारी ता. 10 रात्री गुन्हा दाखल झाला असून त्याला ताब्यात घेण्यात आले आहे. हिंगोली जिल्हयात बेकायदेशीर शस्त्र बाळगणाऱ्यांवर कारवाईची मोहिम हाती घेण्यात आली आहे. पोलिस अधिक्षक श्रीकृष्ण कोकाटे, अप्पर पोलिस अधिक्षक अर्चना पाटील, गुन्हे शाखेचे निरीक्षक विकास पाटील यांच्या मार्गदर्शनाखाली जिल्हयातील 13 ठाणेदारांची 13 पथके स्थापन केली असून त्या सोबतच स्थानिक गुन्हे शाखेचे चार पथके स्थापन केली आहेत. या पथकाकडून गावठी पिस्टल, तलवार, खंजर व इतर घातकशस्त्र बाळगणाऱ्यावर कारवाई केली जात आहे. दरम्यान, औंढा नागनाथ तालुक्यातील चिंचोली निळोबा येथे दत्तात्रय रवंदळे (28) या तरुणाकडे गावठी पिस्टल असल्याची माहिती गुन्हे शाखेला मिळाली होती. त्यावरून गुन्हे शाखेचे उपनिरीक्षक कपील आगलावे, जमादार गजानन पोकळे, विकी कुंदनानी यांचे पथक मंगळवारी त्याच्या पाळतीवर होते. त्याच्याकडे पिस्टल असल्याची खात्री झाल्यनंतर पोलिसांनी त्याच्या घरावर छापा टाकून तपासणी केली. यामध्ये दत्तात्रय याच्याकडून गावठी पिस्टल जप्त केले आहे. या पिस्टलची किंमत 15 हजार रुपये असल्याचे तक्रारीत नमुद केले आहे. पोलिसांनी गावठी पिस्टल जप्त करून दत्तात्रय यास ताब्यात घेत औंढा नागनाथ पोलिसांच्या हवाली केले आहे. याप्रकरणी जमादार पोकळे यांच्या तक्रारीवरून औंढा नागनाथ पोलिस ठाण्यात गुन्हा दाखल झाला आहे. जमादार संदीप टाक पुढील तपास करीत आहेत.

​औंढा नागनाथ तालुक्यातील चिंचोली निळोबा येथे स्थानिक गुन्हे शाखेच्या पथकाने एका घरावर छापा टाकून गावठी पिस्टल जप्त केले आहे. या प्रकरणी एका तरुणावर औंढा नागनाथ पोलिस ठाण्यात मंगळवारी ता. 10 रात्री गुन्हा दाखल झाला असून त्याला ताब्यात घेण्यात आले आहे. हिंगोली जिल्हयात बेकायदेशीर शस्त्र बाळगणाऱ्यांवर कारवाईची मोहिम हाती घेण्यात आली आहे. पोलिस अधिक्षक श्रीकृष्ण कोकाटे, अप्पर पोलिस अधिक्षक अर्चना पाटील, गुन्हे शाखेचे निरीक्षक विकास पाटील यांच्या मार्गदर्शनाखाली जिल्हयातील 13 ठाणेदारांची 13 पथके स्थापन केली असून त्या सोबतच स्थानिक गुन्हे शाखेचे चार पथके स्थापन केली आहेत. या पथकाकडून गावठी पिस्टल, तलवार, खंजर व इतर घातकशस्त्र बाळगणाऱ्यावर कारवाई केली जात आहे. दरम्यान, औंढा नागनाथ तालुक्यातील चिंचोली निळोबा येथे दत्तात्रय रवंदळे (28) या तरुणाकडे गावठी पिस्टल असल्याची माहिती गुन्हे शाखेला मिळाली होती. त्यावरून गुन्हे शाखेचे उपनिरीक्षक कपील आगलावे, जमादार गजानन पोकळे, विकी कुंदनानी यांचे पथक मंगळवारी त्याच्या पाळतीवर होते. त्याच्याकडे पिस्टल असल्याची खात्री झाल्यनंतर पोलिसांनी त्याच्या घरावर छापा टाकून तपासणी केली. यामध्ये दत्तात्रय याच्याकडून गावठी पिस्टल जप्त केले आहे. या पिस्टलची किंमत 15 हजार रुपये असल्याचे तक्रारीत नमुद केले आहे. पोलिसांनी गावठी पिस्टल जप्त करून दत्तात्रय यास ताब्यात घेत औंढा नागनाथ पोलिसांच्या हवाली केले आहे. याप्रकरणी जमादार पोकळे यांच्या तक्रारीवरून औंढा नागनाथ पोलिस ठाण्यात गुन्हा दाखल झाला आहे. जमादार संदीप टाक पुढील तपास करीत आहेत.