सनी निम्हण यांचे वडिलांसारखेच मोठे कार्य:देवेंद्र फडणवीस यांचे मत, त्यांच्या पाठिशी खंबीरपणे उभे राहण्याची ग्वाही

माजी आमदार विनायक ऊर्फ आबा निम्हण यांच्याप्रमाणेच त्यांचे पुत्र सनी निम्हण यांचे सामाजिक कृर्तत्व आहे. सनी निम्हण यांनी देखील विविध उपक्रमातून त्यांचे वेगळे व्यक्तिमत्व पुणे शहरात निर्माण केले असून ते प्रगतीच्या दिशेने पुढे अशीच वाटचाल करतील. मी देखील ठरवले आहे की, त्यांच्या पाठीशी खंबीरपणे उभे राहून त्यांच्या नेतृत्वास याेग्यप्रकारे वाव मिळाला पाहिजे, असे मत राज्याचे उपमुख्यमंत्री देवेंद्र फडणवीस यांनी व्यक्त केले आहे. स्व.आबा निम्हण यांच्या द्वितीय पुण्यस्मरण दिनानिमित्त ह.भ.प.संजय महाराज पाचपाेर यांचा हरिकीर्तनचा साेहळा संपन्न झाला. त्याप्रसंगी राज्याचे गृहमंत्री देवेंद्र फडणवीस, केंद्रीय राज्यमंत्री मुरलीधर माेहाेळ, मंत्री चंद्रकांत पाटील, आमदार सिध्दार्थ शिराेळे उपस्थित हाेते. देवेंद्र फडणवीस म्हणाले, अनेकांचे याराे के यार असे म्हटले जाणारे आबा निम्हण आपल्यातून गेल्यानंतर ज्याप्रकारे सनी निम्हण यांनी त्यांचे कार्य सांभाळले व ते सर्वांचे मदतीने पुढे नेले ही बाब अतिशय वाखणण्याजाेगी व संताेषजनक आहे. वेगवेगळे आराेग्य शिबीर घेऊन सरकारी मदत देखील लाेकांपर्यंत त्यांनी पाेहचवली. पुणे जिल्ह्यातील सर्वात माेठे आराेग्य शिबीर कॅम्प त्यांनी नुकताच भरवला. गरीबातील गरीबास आराेग्य तपासणी लाभ मिळावा आणि महागडे ऑपरेशन देखील माेफत करण्याचा प्रयत्न सनी निम्हण यांनी केला. आगामी काळात आपण सर्वजण मिळून आबा निम्हण यांचे काम पूर्णत्वास नेण्याचा प्रयत्न करु. आमदार चंद्रकांत पाटील म्हणाले, मी स्वत: देखील ठरवले आहे की सनीच्या पाठीशी उभे राहून त्याच्या नेतृत्वाला याेग्य अशाप्रकारचा वाव मिळाला पाहिजे. त्यांचे नेतृत्व बहरले पाहिजे हे देवेंद्र फडणवीस यांचे शब्द माेठा आधार देणारे हाेते. याप्रसंगी शिवाजीनगर व परिसरातील विविध पक्षातील मान्यवर दत्ता बहिरट, मनीष आनंद, किशाेर शिंदे, पृथ्वीराज सुतार, दुर्याेधन भापकर, कमलेश सासकर, अभय सावंत,मुकारी अण्णा अलगुडे, विनाेद ओरसे यांच्यासह अनेक आजीमाजी नगरसेवक, पदाधिकारी तसेच आबांवर प्रेम करणारे असंख्य कार्यकर्ते, विविध कला, क्रीडा, आराेग्य क्षेत्रातील मान्यवर उपस्थित हाेते. सर्वांनी आबांच्या आठवणींना उजाळा देत त्यांना आदरांजली अर्पण केली.