दिव्य मराठी अपडेट्स:जम्मू-काश्मीरच्या कठुआमध्ये दहशतवाद्यांच्या शोधात सुरक्षादल, शुक्रवारी रात्री उशिरा गोळीबार

जम्मू-काश्मीरमधील कठुआमध्ये दहशतवाद्यांचा शोध सुरू आहे. सुरक्षा दलांनी दिलेल्या माहितीनुसार, शुक्रवारी रात्री उशिरा कठुआच्या भातोडी भागात संशयास्पद हालचाली दिसल्या. यानंतर गोळीबार झाला. दहशतवाद्यांच्या शोधात सर्च ऑपरेशन सुरू आहे. आजची दुसरी मोठी बातमी… पंजाबमधील अमृतसर येथे आंतरराष्ट्रीय सीमेवर बीएसएफने ड्रोन आणि ड्रग्स जप्त केले
पंजाबमधील अमृतसर येथील आंतरराष्ट्रीय सीमेवर तैनात सीमा सुरक्षा दलाने (बीएसएफ) शुक्रवारी आणखी 559 ग्रॅम हेरॉईन (ड्रग्ज) जप्त केले. बीएसएफने सांगितले की, दुपारी 1.40 च्या सुमारास 01 डीजेआय एअर 3एस ड्रोन आणि हेरॉइन कक्कर गावाला लागून असलेल्या शेतातून जप्त करण्यात आले. यापूर्वी फाजिल्का जिल्ह्यातील सीमावर्ती भागातून दोन वेगवेगळ्या घटनांमध्ये दोन ड्रोन जप्त करण्यात आले होते. मेक्सिकोच्या आखाताला आता ‘गल्फ ऑफ अमेरिका’ असे संबोधले जाईल, ट्रम्प यांनी बदलले नाव डोनाल्ड ट्रम्प यांनी अधिकृतपणे मेक्सिकोच्या आखाताचे नाव बदलून ‘गल्फ ऑफ अमेरिका’ केले आहे. याशिवाय अलास्का येथील माउंट डेनालीचे नावही बदलून माउंट मॅकेनली करण्यात आले आहे. त्यांची नावे बदलण्याची घोषणा यापूर्वी ट्रम्प यांनी त्यांच्या निवडणुकीतील वचनात केली होती.