भाजपचे आज शिर्डीत राज्यस्तरीय अधिवेशन:आगामी स्थानिक स्वराज्य निवडणुकांची रणनिती ठरणार; जे.पी.नड्डा, अमित शहा करणार मार्गदर्शन

भाजपचे राज्यस्तरीय अधिवेशन‎ आज शिर्डीत होत ‎आहे. अधिवेशना निमित्त शिर्डीत १ ‎हजार व्हीआयपी येणार आहेत.‎ मुख्य रस्त्यावर स्वागताचे शेकडो‎ फलक, 50 कमानी, 2500 भाजपचे‎ झेंडे लावण्यात आले आहेत. केंद्रीय‎गृहमंत्री अमित शहा, पक्षाध्यक्ष जे पी‎ नड्डा, मुख्यमंत्री देवेंद्र फडणवीस‎ यांच्या हस्ते व्यासपीठावर संविधान‎पूजन करण्यात येणार आहे.‎ शिर्डीमध्‍ये पक्षाचे राज्यस्तरीय‎अधिवेशन प्रथमच होत आहे. या‎ अधिवेशनाला राज्‍यातील‎विधानसभा निवडणूकीतील‎ महाविजयाची पार्श्‍वभूमी आहे.‎आगामी स्‍थानिक स्‍वराज्‍य ‎संस्‍थांच्‍या निवडणूकीमध्ये पुन्‍हा यश‎ मिळविण्‍याचा निर्धार या‎ अधिवेशनात करण्‍यात येणार‎ आहे.अधिवेशनाच्‍या पार्श्‍वभूमीवर‎ मुख्‍यमंत्री देवेंद्र फडणवीस, ‎प्रदेशाध्‍यक्ष चंद्रशेखर बावनकुळे‎ यांच्‍यासह राज्‍य मंत्रीमंडळातील ‎भाजपचे सर्व मंत्री शिर्डीमध्‍ये‎ दाखल झाले असून, केंद्रीय गृह तथा‎ सहकार मंत्री अमित शाह हे रविवारी‎ दुपारी शिर्डीत येणार आहे. त्‍यांच्‍या‎प्रमुख उपस्थितीत आधिवेशनाचा ‎समारोप होणार आहे. अगामी सर्व‎ निवडणूकींच्‍या पार्श्‍वभूमीवर केंद्रीय‎ मंत्री शाह राज्‍यातील पक्षनेते आणि ‎प्रमुख कार्यकर्त्‍यांना कोणता संदेश‎ देतात याची उत्‍सुकता राजकीय‎ क्षेत्राला आहे. जेवणासाठी 100 बाय‎ 200 आकाराचा शामियाना अधिवेशनासाठी‎आठ एकर जागेवर 132 बाय 700‎ आकाराचा भव्य शामियाना‎ उभारण्यात आला आहे. पदाधिकाऱ्यांसाठी 15 हजार खुर्च्या‎ लावण्यात आल्या आहेत. त्यात‎ 1000 व्हीआयपी खुर्च्या आहेत.‎व्यासपीठ 80 बाय 40 आकाराचे‎ आहे. व्यासपीठावर केंद्रीय गृहमंत्री ‎अमित शाह, पक्षाध्यक्ष जे.पी. नड्डा ‎यांच्यासह केंद्रीय मंत्री, मुख्यमंत्री,‎ राज्य मंत्रिमंडळातील मंत्री यांच्या आसनाची व्यवस्था केली आहे‎. जेवणासाठी व्हीआयपी 100 बाय‎ 200 आकाराचा शामियाना‎ उभारण्यात आला आहे. या ठिकाणी‎ एकाचवेळी 500 व्हीआयपी नेते‎ जेवण घेऊ शकतील. 132 बाय 700 ‎फुट आकाराच्या दुसऱ्या ‎शामियान्यात 15 हजार पदाधिकारी ‎जेवतील असा शामियाना आहे.‎ अधिवेशन स्थळाला लागुनच‎ पार्कींगसाठी 15 एकर जागेव र‎व्यवस्था केली आहे.‎