आता मुंबईत या दिवशी ईद-ए-मिलादची सुट्टी:एमआयएम, काँग्रेस, मुस्लिम समाजाच्या मागणीवरून शिंदे सरकारची मोठी घोषणा

महाराष्ट्र सरकारने 18 सप्टेंबर रोजी ईद-ए-मिलादला सार्वजनिक सुट्टी जाहीर केली आहे. याबाबत काँग्रेस नेते नसीम खान आणि एआयएमआयएम नेते वारिस पठाण यांच्या वतीने सरकारकडे मागणी करण्यात आली होती शिंदे सरकारने मुस्लिम समाजाच्या मागणीनुसार ही घोषणा केली असल्याचे म्हटले आहे. मुंबई शहर आणि मुंबई उपनगरात ईद-ए-मिलादची सुट्टी 16 सप्टेंबर ऐवजी 18 सप्टेंबरला दिली जाईल. हा आदेश राज्य सरकारने जारी केला आहे. ईद-ए-मिलाद 16 सप्टेंबरला आहे आणि गणपती विसर्जन 17 सप्टेंबरला आहे. अशा परिस्थितीत महाराष्ट्र काँग्रेसचे नेते नसीम खान यांनी नुकतेच मुख्यमंत्री एकनाथ शिंदे आणि उपमुख्यमंत्र्यांना पत्र लिहून ईद-ए-मिलादची सुट्टी 16 सप्टेंबरऐवजी 18 सप्टेंबरला करावी, अशी मागणी केली होती. प्रेषित मोहम्मद यांच्या जन्मदिवसाची मिरवणूक 17 सप्टेंबरला गणेश विसर्जन असल्याने काँग्रेस नेते नसीम खान यांनी यामागचे कारण दिले होते. दोन्ही समाजाचे सण चांगले साजरे व्हावे आणि परस्पर सौहार्द कायम रहावे. सणाचे पावित्र्य अबाधित रहावे व हिंदू-मुस्लिम बंधुभाव अबाधित रहावा. त्यामुळे 16 सप्टेंबरऐवजी 18 सप्टेंबरला सुट्टी साजरी करावी अशी मागणी करण्यात आली होती. नसीम खान यांनी पत्रात लिहिले होते की, आम्ही ‘ऑल इंडिया खिलाफत कमिटी’ची बैठक आयोजित केली होती. प्रेषित मोहम्मद साहिब यांच्या जयंतीनिमित्त काढण्यात येणारी मिरवणूक 16 सप्टेंबरऐवजी 18 सप्टेंबरला काढण्यात येईल, असा निर्णय बैठकीत घेण्यात आला. दारूबंदी जाहीर करण्याची मागणी दरम्यान, एआयएमआयएमचे नेते वारिस पठाण यांनीही फेसबुकवर एक व्हिडिओ संदेश जारी केला होता. यात त्यांनी म्हटले होते की, खिलाफत समितीने आयोजित केलेल्या ईद-ए-मिलाद मिरवणुकीसंदर्भात बैठक झाली होती. उलेमा-ए-इक्रम आणि सर्व राजकीय पक्षांच्या नेत्यांच्या उपस्थितीत गणपती विसर्जनही 17 सप्टेंबरला आहे आणि ईद-ए-मिलादही 17 सप्टेंबरला आहे, त्यामुळे आता ईद-ए-मिलादची मिरवणूक 17 सप्टेंबरला निघणार नाही, असा निर्णय घेण्यात आला. 18 सप्टेंबर रोजी ही मिरवणूक काढण्यात येईल. 18 तारखेला सुटी जाहीर करावी आणि मुस्लिमांच्या भावना लक्षात घेऊन एक दिवस दारूबंदी जाहीर करावी, अशी आमची सरकारकडे मागणी आहे.

Categories:marathi