मुंबई : शेअर बाजारात गेल्या काही दिवसात एनर्जी (ऊर्जा) क्षेत्रातील कंपन्यांच्या शेअर्समध्ये घसरणीसह ट्रेंड करत होते, मात्र मंगळवारी एनर्जी स्टॉकमध्ये तेजी परतली आणि शेअरची किंमत ४४ रुपयाने पार पोहोचली. या कंपनीच्या शेअर्सने गेल्या वर्षभरात आश्चर्यकारक परतावा दिला असून शेअर्सनी एका वर्षात सुमारे ४००% परतावा दिला आहे. अक्षय ऊर्जा सेवा पुरवणाऱ्या सुझलॉन एनर्जी लिमिटेडच्या स्टॉकने गेल्या सहा महिन्यांत १३५% परतावा दिला तर एक वर्षापूर्वी शेअरची किंमत कवळ ८.९० रुपये होती, जी आता ४४ रुपये प्रति शेअरवर व्यवहार करत आहे.

HDFC Bank: महिन्याभरात काढले दिवाळे, आता आली फायद्याची अपडेट; शेअर्स तेजीत येणार, फायदा घ्यावा?
सुझलॉन शेअरचा नवीन उच्चांक
नवीकरणीय ऊर्जा सोल्यूशन्स प्रदाता सुझलॉन एनर्जीचा शेअर ३.७ टक्क्यांनी वाढून ४४.९० रुपयांच्या इंट्राडे उच्च पातळीवर पोहोचला. तर कंपनीचे शेअर यापूर्वी ४३.२७ रुपयांवर बंद झाले होते. सुझलॉन एनर्जी लिमिटेडच्या शेअरमधील तेजीचे कारण म्हणजे कंपनीला एवरेन कंपनी, एबीसी क्लीनटेक प्रायव्हेट लिमिटेडकडून ६४२ मेगावॅट पवन ऊर्जा प्रकल्पाचे कंत्राट मिळाले आहे. एवरेन हा भारतातील ब्रुकफील्ड आणि ॲक्सिस एनर्जी यांचा संयुक्त उपक्रम आहे.

शेअर आहे की कुबेराचा खजिना? अल्पावधीत श्रीमंत करणारा स्टॉक घेणार रॉकेट भरारी, पाहा फायद्याची अपडेट
कंपनीने काय म्हटले?

कंपनीने जारी केलेल्या निवेदनानुसार करारानुसार सुझलॉन आंध्र प्रदेशमध्ये हायब्रिड लॅटिस ट्यूबलर (HLT) टॉवर आणि २१४ विंड टर्बाइन जनरेटर (WTG) स्थापित करेल. सुझलॉन समूहाचे उपाध्यक्ष गिरीश तांती यांनी एका निवेदनात म्हटले की, ‘सुझलॉन भारताच्या अक्षय ऊर्जा उद्दिष्टांचा एक भाग म्हणून हरित ऊर्जा विभाग वाढवण्यासाठी एवहरेनसोबत भागीदारी करण्यास वचनबद्ध आहे.’ समूहाचे मुख्य कार्यकारी अधिकारी जे.पी. चालसानी म्हणाले, ‘एवरेनसोबतचा आमचा पहिला करार जाहीर करताना आम्हाला आनंद होत आहे.’

शेअर नव्हे कुबेराचा खजाना! पाच वर्षात लखपती झाले करोडपती, गुंतवणुकदारांकडून तुफान खरेदी
सुझलॉन एनर्जी शेअरची कामगिरी
सुझलॉन एनर्जीचे शेअर्स एका महिन्यात १५% वधारले आहेत तर सहा महिन्यांत शेअरमध्ये १३५ टक्क्यांपर्यंत तेजी पाहायला मिळाली असून या काळात शेअरची किंमत १८ रुपयांवरून सध्याच्या किमतीपर्यंत उसळली आहे. सुझलॉन एनर्जीचे शेअर्स गेल्या एका वर्षात ४००% वाढले असताना या काळात शेअरची किंमत ८ रुपयांवरून सध्याच्या किंमतीवर पोहोचली. सुझलॉन एनर्जी शेअरचा ५२ आठवड्याचा उच्चांक ४५.७० रुपये आणि ५२ आठवड्यांचा निचांकी ६.९४ रुपये असून कंपनीचे बाजार भांडवल ६०,४६३.२२ कोटी रुपये आहे.

Read Latest Business News

(Disclaimer: येथे देण्यात आलेली माहिती शेअरच्या कामगिरीबाबत आहे, खरेदीचा सल्ला नाही. शेअर बाजारातील गुंतवणूक धोक्याच्या अधीन असते, त्यामुळे कोणत्याही प्रकारची गुंतवणूक करण्यापूर्वी मार्केटचे जाणकार किंवा तुमच्या आर्थिक सल्लागाराशी बोला. महाराष्ट्र टाइम्स कोणत्याही प्रकारच्या गुंतवणुकीचा सल्ला देत नाही.)



Source link

Leave a Reply

Your email address will not be published. Required fields are marked *