अहमदाबाद: गुजरातमध्ये एक चक्रावून टाकणारी घटना उघडकीस आली आहे. आरोपीनं विम्याची रक्कम हडपण्यासाठी स्वत:च्या मृत्यूचा बनाव रचला. त्यासाठी त्यानं एका केली. विम्याच्या रकमेसाठी करण्यात आलेल्या हत्येची घटना १७ वर्षांनंतर उघडकीस आली. पोलिसांनी आरोपीला अटक केली आहे. विशेष म्हणजे आरोपीच्या या संपूर्ण कारनाम्याबद्दल त्याची पत्नी अनभिज्ञ होती. ती स्वत:ला १७ वर्षांपासून विधवा सजमत होती. भिकाऱ्याची हत्या करुन स्वत:च्या मृत्यूचा बनाव रचणाऱ्या आरोपीचं नाव अनिल सिंह मालेक (३९) असं आहे. भिकाऱ्याच्या हत्येनंतर अनिल नोएडाहून अहमदाबादला आला आणि नाव, ओळख बदलून राहू लागला. गोपनीय माहितीच्या आधारे पोलिसांनी त्याला अटक केली. त्यानंतर रहस्यमय घटनांचा उलगडा झाला. अनिल मूळचा नोएडाचा रहिवासी आहे. तो अहमदाबादमध्ये राजकुमार चौधरी नावानं राहत होता. विम्याच्या ८० लाख रुपयांसाठी त्यानं स्वत:च्या हत्येचा बनाव रचला.पोलिसांनी दिलेल्या माहितीनुसार घटनाक्रमाची सुरुवात २००४ पासून झाली. अनिलचे वडील विजयपाल, त्याचा भाऊ अभ्या आणि अनिल यांनी विम्याच्या रकमेसाठी कट रचला. त्यांनी अनिलच्या नावे २० लाख रुपयांमध्ये नवीकोरी हॅचबॅक कार आणि एलआयसीची जीवन मित्र पॉलिसी खरेदी केली. पॉलिसीधारकाचा मृत्यू झाल्यास त्याच्या कुटुंबाला चारपट भरपाई मिळणार होती.अनिलच्या जागी एखाद्याचा खून करायचा आणि अनिलचा खून भासवून विम्याचे पैसे मिळवायचे अशी योजना मालेक कुटुंबानं आखली. त्यासाठी ते सहज खून करता येईल अशा व्यक्तीचा शोध घेत होते. जुलै २००६ मध्ये मालेक कुटुंबानं महिपाल गदरिया आणि राकेश खटिक यांच्या मदतीनं आग्रा टोलबूथच्या जवळ एक भिकारी शोधला. तिघांनी भिकाऱ्याला हॉटेलात नेलं. त्याला जेवण दिलं. त्याच्या जेवणात बेशुद्ध पडण्याचं औषध मिसळण्यात आलं होतं.जेवल्यानंतर काही वेळातच भिकारी बेशुद्ध पडला. महिपाल आणि राकेशनं त्याला कारच्या पुढच्या सीटवर ठेवलं. कार विजेच्या खांब्याला धडकवण्यात आली. त्यामुळे कारला आग लागली. मृतदेहाची ओळख पटू नये यासाठी तिघांनी त्याच्यावर पेट्रोल टाकलं आणि त्याला आग लावली. कारची नोंदणी तपासून पोलिसांनी विजयपाल यांना मृतदेहाची ओळख पटवण्यासाठी बोलावलं. त्यांनी मृतदेह आपला लेक अनिलचाच असल्याचं सांगितलं आणि मूळ गावी नेऊन पार्थिवावर अंत्यविधी केले. मालेक कुटुंबाला कार विम्याचे ४ लाख आणि जीवन विम्याची रक्कम मिळाली. यानंतर अनिल अहमदाबादला पळून गेला. तिथे रिक्षा चालवून उपजिविका करु लागला. निकोलमध्ये त्यानं एक घेतलं. २००८ मध्ये राजकुमार चौधरी नावानं मतदार ओळखपत्र तयार केलं. यानंतर वाहन चालक परवाना, पॅन कार्ड आणि आधार कार्डही तयार केलं. २०१४ मध्ये तो शेजारी राहणाऱ्या एका महिलेच्या प्रेमात पडला. त्यानं तिच्याशी लग्न केलं. आपलं बिंग फुटू नये म्हणून तो कधीच नोएडाला गेला नाही. त्यानं कुटुंबाशी कोणताही संपर्क ठेवला नाही. दाम्पत्याला दोन मुली आहेत. सध्या अनिलनं कार खरदी केली आहे. तो ट्रॅव्हलचा व्यवसाय करतो.एका टॅक्सी चालकानं विम्याच्या रकमेसाठी भिकाऱ्याचा खून केल्याची गुप्त माहिती शहरातील गुन्हे शाखेला मिळाली. यानंतर पोलीस निरीक्षक मितेश चौधरींच्या नेतृत्त्वाखाली एका पथकानं अनिलचा शोध सुरू केला. गंगोत्री सर्कल परिसरातील बाबा श्री पाम्स फ्लॅट्समध्ये अनिल सापडला. त्यानं पोलिसांना ओळखपत्रं दाखवली. आपण राजकुमार चौधरी असल्याचा दावा केला. पण भिकाऱ्याच्या मृत्यूबद्दल विचारताच त्याला रडू कोसळलं. यानंतर त्यानं हत्येची कबुली देत संपूर्ण घटनाक्रम सांगितला.



Source link

Leave a Reply

Your email address will not be published. Required fields are marked *