[ad_1]
याला म्हणतात बम्पर परतावा; शेअरने गुंतवणूकदारांचे नशीब बदलले, फायदा घेण्यासाठी वाचा सविस्तरमाझगाव डॉक शिपबिल्डर्ससोबत अमेरिकी सरकारी कंपनीचा महत्वाचा करार
माझगाव डॉक शिपबिल्डर्सने नेव्हल सप्लाय सिस्टीम कमांड (NAVSUP), फ्लीट लॉजिस्टिक सेंटर (FLC) योकोसुका या अमेरिकेच्या सरकारी कंपनीसोबत मास्टर शिप रिपेअर करार (MSRA) केला आहे. कंपनीने आपल्या एक्सचेंज फाइलिंगमध्ये ही माहिती दिली आहे. कंपनीने दिलेल्या माहितीनुसार हा करार आहे. देशात असे दोनच शिपयार्ड आहेत ज्यांनी MSRA केले आहे, त्यातील एक माझगाव डॉक आहे. या कराराअंतर्गत माझगाव डॉक येथे अमेरिकन नौदलाच्या जहाजांची दुरुस्ती होणार आहे.
कंपनीकडून लाभांश जारी
माझगाव डॉक शिपबिल्डर्स लिमिटेडने आपल्या पात्र गुंतवणूकदारांना प्रति इक्विटी शेअर ६.८६ रुपये अंतिम लाभांश देण्याचा निर्णय घेतला आहे. कंपनीने २० सप्टेंबर २०२३ ही लाभांशाची रेकॉर्ड तारीख म्हणून घोषित केली आहे.
अगदी कवडीमोल भावात मिळणाऱ्या शेअरने छप्परफाड कमाई, 18 पैशांच्या स्टॉकने बनवले करोडपती
माझगाव डॉक शेअर्सचा दमदार परतावा
माझगाव डॉक युद्धनौका, पाणबुड्यांचे बांधकाम आणि दुरुस्तीमध्ये कार्यरत असलेली सार्वजनिक क्षेत्रातील कंपनी आहे आणि भारतीय नौदलासाठी जहाजे आणि पाणबुड्यांचे उत्पादन करते. कंपनीच्या शेअर्सने गेल्या सहा महिन्यात गुंतवणूकदारांना तब्बल २०० टक्क्यांहून अधिक परतावा दिला आहे. म्हणजेच शेअर यावर्षी ८ मार्च रोजी ७४१ रुपयांवरून वाढून आज २२८६ रुपयांवर आला आहे. याआधी गुरुवारी शेअरने जवळपास १० टक्क्यांनी उसळी घेतली होती. लक्षात घ्या की माझगाव डॉक शिपबिल्डर्स शेअरची किंमत गेल्या एका वर्षात लक्षणीय वाढली असून हा स्टॉक सर्वोत्कृष्ट कामगिरी करणाऱ्या संरक्षण शेअर्सपैकी एक ठरला आहे.
छोट्या शेअरने दिला मोठा नफा, पैशांचा पडला पाऊस, गुंतवणूकदारांना जॅकपॉट; आता खरेदी करणं फायद्याचं का?
तसेच गेल्या वर्षभरात शेअरने ४२८ टक्क्यांची तेजी नोंदवली असताना आज शेअरने आपला सर्वकालीन उच्चांक नोंदवला आहे. म्हणजे एखाद्या गुंतवणूकदाराने वर्षभरापूर्वी शेअरमध्ये एक लाख रुपयांची गुंतवणूक केली असेल तर आज त्याचे पाच लाखाहून अधिक रुपये झाले असते.
(Disclaimer: इथे दिलेला तपशील फक्त माहितीसाठी आहे आणि गुंतवणुकीचा सल्ला नाही. शेअर बाजारातील गुंतवणूक जोखीमच्या अधीन असते म्हणून एक्स्पर्टच्या सल्ल्याने गुंतवणूक करा. तुमचे आर्थिक नुकसान झाल्यास महाराष्ट्र टाइम्स ऑनलाईन जबाबदार नाही.)
[ad_2]
Source link