राज्यात गुंडांना अच्छे दिन, मंत्रालयात एसीची हवा घेतात : विजय वडेट्टीवार

जामिनावर बाहेर असलेला आरोपी मुख्यमंत्र्यांना भेटतो, मात्र त्यांना कोण सल्ला देत आहे. मुख्यमंत्र्यांकडे मोठं संख्याबळ असताना त्यांना गुंडांना भेटण्याची गरज का पडत आहे, असा सवाल विजय वडेट्टीवार यांनी केला. पक्षफोडीच्या राजकारणानंतर महाराष्ट्राची इज्जत चव्हाट्यावर आणली गेली आहे, असं वडेट्टीवार यांनी म्हटलं.
श्रीकांत शिंदेंच्या वाढदिवशी ‘वर्षा’वर गुंड, भेट घडवणाऱ्या युवासेना पदाधिकाऱ्याची हकालपट्टी

गुंडांना रील्स बनवण्यासाठी मंत्रालय खुले केल्याबद्दल मुख्यमंत्री एकनाथ शिंदे आणि दोन्ही उपमुख्यमंत्री देवेंद्र फडणवीस आणि अजित पवार अभिनंदनास पात्र आहेत. राज्यातील गुंडांचे इतके अच्छे दिन आलेत की महायुती सरकारच्या काळात ते मंत्रालयात एसीची हवा घेत आहेत, अशी टीका विरोधी पक्षनेत्यांनी केली.

गुंडांना रिल्स बनवण्यासाठी मंत्रालय खुले केल्याबद्दल मा.मुख्यमंत्री आणि दोन्ही उपमुख्यमंत्री अभिनंदनास पात्र आहे.

राज्यातील गुंडांचे इतके अच्छे दिन आलेत की महायुती सरकारच्या काळात ते मंत्रालयात AC ची हवा घेत आहे.

महाराष्ट्रातील कानाकोपऱ्यातून येणारा सामान्य माणूस मंत्रालयाबाहेर… pic.twitter.com/vjih1SkiFW

— Vijay Wadettiwar (@VijayWadettiwar) February 6, 2024

उल्हासनगर पोलीस ठाण्यातील गोळीबार प्रकरणात भाजप आमदार गणपत गायकवाड यांना अटक, वाद नेमका कशातून सुरु झाला?
महाराष्ट्रातील कानाकोपऱ्यातून येणारा सामान्य माणूस मंत्रालयाबाहेर दिवसभर रांगेत उभा आहे. पेपरफुटी विरोधात तरुण तरुणी रस्त्यावर आंदोलन उपोषणात आपले आयुष्यातील महत्वाचे दिवस घालवत आहे. नागपुरात आदिवासी बांधव आपल्या मागण्यासाठी अनेक दिवसांपासून आंदोलन करत आहे. आणि इकडे सरकार गुंडांना रिल्स बनवण्यासाठी मंत्रालय खुले करून देत आहे. हीच का ती “मोदी की गॅरंटी” ? असा सवाल विजय वडेट्टीवार यांनी केला.

दरम्यान, खासदार संजय राऊत यांनी सलग दोन दिवस एकनाथ शिंदे आणि श्रीकांत शिंदे यांच्याविरोधात आक्रमक भूमिका घेतली आहे. श्रीकांत शिंदे आणि एकनाथ शिंदे यांची भेट घेणाऱ्या गुंडांचे फोटो त्यांनी पोस्ट केले.
लडाख, मणिपूर ते एकनाथ शिंदेंच्या फोटोवरुन प्रश्न, मोदींच्या भाषणात या गोष्टी नव्हत्या : संजय राऊत

Read Latest Maharashtra News And Marathi News