मथुरा: उत्तर प्रदेशातील मथुरा येथे एक भीषण दुर्घटना घडली आहे. यमुना एक्सप्रेस वेवर भरधाव वेगाने ५ जणांचा जीव घेतला आहे. यमुना एक्सप्रेस वेवर एक भयंकर दुर्घटना घडली आहे. येथे एक स्लीपर बस डिव्हायडरवर जाऊन आदळली. ही धडक इतकी जबर होती की बस डिव्हायडरवर आदळताच त्यात आग लागली. यामुळे मागून येणारी कारही अनियंत्रित झाली आणि ती बसवर जाऊन आदळली. या घटनेत कारचा चक्काचूर झाला. या भयंकर दुर्घटनेत कारमधील ५ जणांचा होरपळून मृत्यू झाला आहे.

मुख्यमंत्री योगी आदित्यनाथ यांनी या घटनेची माहिती घेतली. तसेच, अधिकाऱ्यांना तात्काळ घटनास्थळी पोहोचण्याचे आदेश दिले. योगी आदित्यनाथ यांनी कुटुंबियांप्रती शोक व्यक्त केला आहे. या दुर्घटनेत जखमी झालेल्या लोकांना तात्काळ उपचार उपलब्ध करुन द्यावेत असे आदेश दिले आहेत.

मथुराच्या महावन पोसिस ठाणे क्षेतातील माइल स्टोन ११६ वर हा भीषण अपघात झाल्याची माहिती आहे. मिळालेल्या माहितीनुसार, भरधाव वेगात असलेली ही स्लीपर बस अनियंत्रित झाली. अनियंत्रित झालेली बस ही डिव्हायडरवर जाऊन आदळली. धडक इतकी जबर होती की बसमधील अनेक प्रवासी जखमी झाली. याचदरम्यान मागून वेगाने येत असलेली कारही बसवर येऊन आदळली. या धडकेनंतर दोन्ही वाहनांना आग लागली. या आगीत पाच जणांचा होरपळून मृत्यू झाला आहे. तर दुर्घटनेत जखमी झालेल्या लोकांना तात्काळ उपचारासाठी रुग्णालयात पोहोचवण्यात आलं आहे.



Source link

Leave a Reply

Your email address will not be published. Required fields are marked *