[ad_1]
जानेवारी २०२२मध्ये इन्व्हेस्टमेंट बँकर रमणिक (बदललेले नाव) यांची मित्राच्या पार्टीमध्ये एका वकिलाशी ओळख झाली. बोलता बोलता वेगवेगळ्या चित्रकारांचा विषय आला. त्यावेळी रमणिक यांचे चित्रप्रेम दिसून आले. वकिलाने त्यांना चित्रकार आणि त्यांच्या चित्राबाबत बरीच माहिती असल्याचे सांगत अनेक आर्ट डीलर ओळखीचे असल्याचे सांगितले. तुम्हाला स्वस्तात चित्र हवी असल्यास संपर्क करण्यास सांगितले. त्यानुसार राजेश राजपाल हे मोठे आर्ट डीलर असून त्यांच्याकडे १९७०च्या दशकातील अनेक चित्रे असल्याची माहिती वकिलाने दिली. चित्रकार मनजीत बावा आणि सुजा यांच्या चित्रांचे फोटो रमाणिक यांना पाठविण्यात आले. रमणिक यांना चारही फोटो आवडले आणि या चित्रांचे सुमारे अठरा कोटी रुपये त्यांनी वेगवेगळ्या बँक खात्यावर पाठविले.
पैसे पोहोच झाल्यानंतर काही दिवसांत कुरिअरने त्यांना ही चित्रे आली आणि ती त्यांनी आपल्या निवासस्थानी लावली. वकील आणि राजपाल याने चित्रांची बिले, दर्जाचे प्रमाणपत्र, चित्रकारांचे पत्र असे सर्व रमणिक यांना पाठविले. रमणिक यांच्या घरी काही कार्यक्रमानिमित्त त्यांचे मित्र जमले होते. त्यांनी भिंतीवर लावलेली चित्रे आणि त्याखाली असलेल्या चित्रकारांच्या स्वाक्षरी पाहिल्या आणि ही चित्रे खोटी असल्याचे सांगितले. रमणिक यांनी हस्ताक्षर तज्ज्ञाची मदत घेत स्वाक्षरी तपासल्या असता त्या संबंधित चित्रकारांच्या नसल्याचे समजले. रमणिक यांनी वकील आणि राजपाल या दोघांकडे याबाबत विचारणा केली असता सुरुवातीला त्यांनी चित्रे खरी असल्याचे सांगितले. त्यांनी पैसे परत करण्यासाठी तगादा लावताच दोघेही टाळाटाळ करू लागले. त्यातंर रमणिक यांनी ताडदेव पोलिस ठाण्यात तक्रार केली.
सनदी अधिकाऱ्याच्या नावाचा वापर
वकील आणि त्याच्या साथीदाराने विश्वास बसावा यासाठी भोपाळ येथील एका निवृत्त सनदी अधिकाऱ्याच्या नावाचा वापर केला. आर्टिस्ट मनजीत बावा यांची कृष्णा विथ काऊज यांची चित्र निवृत्त सनदी अधिकारी सुब्रतो बॅनर्जी यांच्याकडे असून त्यांची किंमत दहा कोटी ७५ लाख रुपये असल्याचे या दोघांनी सांगितले. बॅनर्जी यांचे नाव विश्वासपात्र असल्याने इन्व्हेस्टमेंट बँकरने दोघांच्या बोलण्यावर सहज विश्वास ठेवून चित्र खरेदी करण्याची तयारी दर्शवली.
दगडी फुटपाथ अन् मोठे स्लॅब; पाण्याखाली सापडलं ३७५ वर्ष जुनं रहस्यमय शहर, अखेर गूढ उकललं
Read Latest Maharashtra News And Marathi News
[ad_2]
Source link