[ad_1]
पेटीएमवरील संकट गडद
ऑनलाईन पेमेंटची सुविधा देणारे पेटीएम सध्या वादात सापडले असून मनी लौंड्रीन्ग प्रकरणात ईडी चौकशी होणार असल्याचेही वृत्त समोर आले. यावर कंपनीचे स्पष्टीकरण दिले आणि म्हटले की, ईडीकडून त्यांच्याविरुद्ध कोणत्याही प्रकरणात तपास केला जात नाही. आरबीआयने पेटीएमला २९ फेब्रुवारीपासून क्रेडिट व्यवहार, प्रीपेड उपकरणे, वॉलेट आणि टॉप-अपसह व्यवसायावर बंदीची कारवाई केली.
दोन दिवसात ४५ हजार कोटी स्वाहा, आता NSE-BSEचा मोठा निर्णय! पेटीएम स्टॉकबाबत आली मोठी अपडेट
पेटीएम शेअर ढेपाळले
वन97 कम्युनिकेशन्स म्हणजेच पेटीएमच्या स्टॉकमध्ये आजही खळबळ उडाली. आठवड्याच्या पहिल्या व्यवहार दिवशी आजही बाजार उघडताच पेटीएमचे शेअर १० टक्क्यांनी लोअर सर्किटला धडकले. पेटीएम शेअरमध्ये सातत्याने लोअर सर्किटला हिट करतअसून शेअर्स विकण्यासाठी गुंतवणूकदारांमध्ये पळापळ सुरू आहे. पेटीएमचा स्टॉक आजच्या सत्रात आणखी घसरणीसह ४३८.५० रुपयांवर खुला झाला. लक्षात घ्या की गेल्या वर्षी २० ऑक्टोबर २०२३ रोजी शेअर ९९८.३० रुपयांच्या ५२ आठवड्यांचा उच्चांकावर वधारला होता.
रिझर्व्ह बँक ऑफ इंडियाने पेटीएम पेमेंट्स बँक लिमिटेडला फेब्रुवारीनंतर कोणत्याही ग्राहकाच्या खात्यावर, वॉलेटवर ठेवी स्वीकारण्यास किंवा फास्टॅगमध्ये टॉप अप करण्यास बंदीचे पडझड पेटीएमच्या स्टॉकवर दिसून आले. मागील तीन ट्रेडिंग दिवसांमध्ये पेटीएम शेअर ४२.३% कमकुवत झाला असून यामुळे गुंतवणूकदारांचे २०,५००० कोटी रुपयांचे नुकसान झाले. तसेच भांडवली बाजार नियामकाच्या तरतुदींनुसार, सलग दोन दिवसांत २०-२०% घसरल्यानंतर मार्केट निर्देशांकांनी पेटीएम शेअरची सर्किट मर्यादा १०% पर्यंत कमी केली.
अजून काय हवं… मल्टीबॅगर परतावा देणाऱ्या TATA शेअरमध्ये अजून तेजीचे संकेत, वेळीच खरेदी करणार?
ईडी चौकशीवर पेटीएमचे स्पष्टीकरण
सर्व वादांच्या दरम्यान कंपनीने रविवारी सांगितले की अंमलबजावणी संचालनालय (ईडी) मनी लाँड्रिंगसाठी पेटीएम किंवा पेटीएमचे सीईओ विजय शेखर शर्मा यांची चौकशी करत नाही. तथापि, काही व्यापारी आणि त्यांच्या प्लॅटफॉर्मच्या वापरकर्त्यांची चौकशी केली गेल्याचे कंपनीने मान्य केले. पेटीएमने आपल्या स्पष्टीकरणात म्हटले की, आम्ही कोणत्याही प्रकारच्या मनी लाँडरिंग विरोधी क्रियाकलापांमध्ये सहभागी नाही. आम्ही भारतीय कायद्यांचे पालन करतो आणि भारतीय आदेशांना गांभीर्याने घेतो. मात्र, आरबीआयने संपूर्ण प्रकरण स्वतंत्रपणे ईडीकडे पाठवले आहे.
Paytm Ban Explained: RBIचे पेटीएमवर निर्बंध, तुमच्या पैशांचं काय होणार? जाणून घ्या सर्व प्रश्नांची उत्तरं
महसूल सचिव संजय मल्होत्रा म्हणाले की, आरबीआयने पेटीएमवर मनी लाँड्रिंगचे कोणतेही नवीन आरोप केले तर कायद्यानुसार पुढील कारवाई केली जाईल. आरबीआयच्या निर्णयामुळे पेटीएमचे शेअर अवघ्या दोन दिवसांत ४०% कोसळले असून कंपनीचे बाजारमूल्य दोन अब्ज डॉलरने घसरले.
[ad_2]
Source link