[ad_1]
बारामती लोकसभेची जागा महायुतीच्या जागावाटपात राष्ट्रवादीकडे आली आहे. येथे अजित पवार यांनी पत्नी सुनेत्रा पवार यांना निवडणूक रिंगणात उतरवले आहे. दुसऱ्या बाजूने सुप्रिया सुळे चौथ्यांदा निवडणुकीला सामोऱ्या जात आहेत. पवारांच्या घरातच ही लढत व्हावी, या भाजपच्या प्रयत्नांना अखेर यश आले. पण मतदारसंघातील सुंदोपसुंदी महायुतीसाठी अडचणीची ठरत होती. सुरुवातीला शिंदेंच्या शिवसेनेचे उपनेते विजय शिवतारे यांनी बंडाची भाषा वापरली. ती थंड करण्यात मुख्यमंत्री व दोन्ही उपमुख्यमंत्र्यांना यश आले.
त्यानंतर हर्षवर्धन पाटील यांनी इंदापुरात राष्ट्रवादीकडून होत असलेल्या त्रासाचे गाऱ्हाणे पक्षाच्या वरिष्ठांपुढे मांडले. पाटील व पवार यांच्यात गेल्या अनेक वर्षांचे वैर आहे. त्यातून पाटील यांचे कार्यकर्ते यंदा आक्रमक झाले होते. परंतु भाजपने केलेली मदत पाहता पाटील हे वेगळा निर्णय घेतील, अशी अजिबात शक्यता नव्हती. सागर बंगल्यावर दोन बैठकांत पाटील यांनी व्यथा मांडली. वरिष्ठ पातळीवर त्यांचे सूर जुळले. पण इंदापूर विधानसभा क्षेत्रात कार्यकर्त्यांपुढे जाऊन काय सांगायचे, हा मोठा प्रश्न त्यांच्यापुढे होता. त्यासाठी त्यांच्या मदतीला आता फडणवीस आले आहेत. फडणवीस उद्या इंदापुरात महायुतीसाठी सभा घेत आहेत.
Read Latest Maharashtra News Updates And Marathi News
इंदापुरात माजी मंत्री व आमदार दत्तात्रय भरणे हे अजित पवार यांचे कट्टर समर्थक मानले जातात. भरणे यांनीच हर्षवर्धन यांना निवडणुकांत धूळ चारली होती. परिणामी त्यांच्यातून विस्तवही जात नाही. तरीही आता महायुतीसाठी या दोन्ही नेत्यांना एकाच व्यासपीठावर यावे लागणार आहे. पाटील यांची वारंवार कोंडी करणाऱ्या अजित पवार यांच्यावरही सबुरीने घेण्याची वेळ आली असून त्यांनाही आता पाटील यांच्याशी जुळवून घ्यावे लागणार आहे.
[ad_2]
Source link