[ad_1]
‘फेसबुक लाइव्ह’ संपताच मॉरिस याने त्याच्याकडील बंदुकीतून अभिषेक यांच्यावर गोळ्या झाडल्या. दोन ते तीन गोळ्या झाडल्यानंतर त्याने त्याच बंदुकीतून स्वतःवरही गोळ्या झाडून घेतल्या. गोळीबाराचा आवाज ऐकून कार्यालयाबाहेरील कार्यकर्ते, नागरिकांमध्ये विशेषतः महिलांमध्ये घबराट पसरली व सर्वजण सैरावैरा पळू लागले.
प्रत्यक्षदर्शी महिलेने काय सांगितलं?
‘झी २४ तास’ वृत्तवाहिनीशी बोलताना प्रत्यक्षदर्शी महिलेने घटनाक्रम सांगितला. “गणपत पाटील नगर येथे शिवसेनेचं ऑफिस आहे. आम्हाला दुपारी ३ वाजता फोन आला की सर्व महिलांनी तिथे या, त्यानुसार आम्ही गेलो. कशासाठी आम्हाला बोलावलं आहे, हे आम्हाला सांगितलं नव्हतं. पण तिथे आम्ही दोन तास बसलो. मग भाईंनी (अभिषेक घोसाळकर) सांगितलं, की आयसी कॉलनीच्या शाखेमध्ये या. तिथे आम्ही दीड तास बसलो. मग समजलं की मॉरिस साड्यांचं वाटप करणार आहे.” असं महिला सांगत होती.
“तेवढ्यात दोन मिनिटांसाठी अचानक लाईट गेले. पूर्ण काळोख झाला. आम्ही आत बसलेलो, लाईट अचानक कसे गेले कळत नव्हतं. भाई शाखेच्या बाहेर उभे होते. तेव्हा मॉरिसने सांगितलं, की सगळ्या महिलांना आत बोलाव. रस्त्याच्या बाजूलाच ऑफिस आहे. मग परत म्हणाले, नाही-नाही शाखेतच साड्या देणार.” असं महिला सांगत होती.
आधी अभिषेक घोसाळकरांवर गोळीबार, नंतर स्वत:लाही संपवलं, अभिषेक यांच्यासह मॉरिसचा मृत्यू!
“इतक्यात मॉरिसने अभिषेक भाईंना त्यांच्या ऑफिसमध्ये बोलावलं. दो मिनिट के लिये भाई जरा इधर आओ, इंटरव्ह्यू लेना है, आमचा प्रवीण नावाचा कार्यकर्ताही भाईंसोबत गेला. तो म्हणालाही की, भाई क्यू जाना है इंटरव्ह्यू के लिये? तर ते म्हणाले, चल दो मिनिट के लिये बुलाया है तो जाके आते है. ते ऑफिसमध्ये गेले. तिथे काय घडलं, तो सीन प्रवीणनेच बघितला. कारण तो भाईंच्या सोबतच होता. इतक्यात तो शाखेजवळ आला, की भाई को गोली मारा…” असं महिलेने सांगितलं.
मंत्रालयात रिल्सवर तातडीने बंदी, गुंडांच्या व्हिडिओंनंतर सरकार सावध, फोटो काढण्यावरही वॉच
“गोळीबारानंतर जखमी झालेल्या भाईंना मदत करायला कुणी समोर यायला तयार नाही, सगळ्या बायका पळाल्या, आमची एक मैत्रिण, मी आणि प्रवीणने अभिषेक भाईंना उचलून बाहेर आणलं. रिक्षावालाही घ्यायला तयार नाही, शेवटी एकाला तयार केलं आणि भाईंना करुणा हॉस्पिटलला नेलंय” असं महिलेने सांगितलं.
[ad_2]
Source link