[ad_1]
जळगाव शहरातील मोहाडी रोडवरील नित्यानंतर सोसायटीच्या उल्हासराव चंद्रराव पाटील हे आपल्या पत्नी आणि दोन मुलांसह तिसऱ्या मजल्यावर वास्तव्याला होते. ते ममुराबाद येथील जिल्हा मृदा सर्व्हेक्षण व मृदा चाचणी विभागात कृषी पर्यवेक्षक म्हणून नोकरीला होते. सध्या दिवाळी असल्याने गुरूवारी सकाळी साडे वाजेच्या सुमारास त्यांच्या घराच्या बाल्कनीमध्ये साफसाफाईचे काम करत होते. साफसाफाई करतांना त्यांचा पाय घसरून तोल गेल्याने ते तिसऱ्या मजल्यावरून खाली पडले. त्यात त्यांचा जागेवरच मृत्यू झाला. ही घटना घडल्यानंतर परिसरात एकच गर्दी जमली होती.
मुंबईत भरधाव कारची सहा गाड्यांना जोरदार धडक, तिघांचा दुर्दैवी मृत्यू, वरळी सी लिंकवरील घटना
घटनेची माहिती मिळाल्यानंतर रामानंदनगर पोलिसांनी घटनास्थळ गाठून मृतदेह जिल्हा रुग्णालयात हलविला, घटनेची माहिती मिळाल्यानंतर जिल्हा शासकीय वैद्यकीय महाविद्यालयात नातेवाईकांनी एकच गर्दी केली होती. याप्रकरणी रामानंद नगर पोलिस ठाण्यात अकस्मात मृत्यूची नोंद करण्यात आली आहे. पुढील तपास पोलिस हेडकॉन्स्टेबल सुनिल पाटील करीत आहे.
घरात दिवाळीचा आनंद, कुटुंबियांच्या डोळ्यादेखत अवघ्या काही क्षणात होत्याचं नव्हतं
मयत उल्हासराव पाटील यांच्या पश्चात पत्नी सुवर्णा, मुलगा हितेश आणि मुलगी हर्षदा असा परिवार आहे. हर्षदा ही बीडीएसचे शिक्षण घेतले आहे तर हितेश हा बीएएमएसचे शिक्षण घेत आहे. या घटनेमुळे परिसरात हळहळ व्यक्त केली जात आहे. घरात दिवाळीचा मोठा आनंद होता, आज दिवाळीचा पहिला दिवस असल्याने उल्हासराव हे घरीच होते. साफसफाईच्या कामात कुटुंबियांना मदत करत होते. सायंकाळी दिवाळीचे घरी दिवे लागणार त्यापूर्वी हे अघटित घडलं, ज्या घरी दिवाळीचे दिवे लागणार होते, त्याच घरात आता शोककळा पसरली आहे. डोळ्यादेखत ही घटना घडल्याने उल्हासराव यांची पत्नी सुवर्णाला मोठा धक्का बसला आहे.
सिमला मिरचीची पेटी समजून दोन तुकडे करण्याचा प्रयत्न, रोबोनं माणसाला संपवलं, थरकाप उडवणारा शेवट
Read Latest Maharashtra News And Marathi News
[ad_2]
Source link