प्रियंका पाटील शेळके – बोबडे
अहमदनगर: सोशल मीडियामुळे दिवसेंदिवस अत्याचारांच्या घटनांमध्ये वाढ होत आहे. अशीच एक घटना नुकतीच समोर आली आहे. इंस्टाग्रामवर एका तरुणीची शिक्रापूर येथील तरुणांसोबत ओळख झाली. कालांतराने या ओळखीचे रूपांतर मैत्रीत झालं आणि त्यानंतर या महिलेला पश्चाताप करण्याची वेळ आली आहे. त्या तरुणाने या विवाहितेला भेटायला बोलवत लॉजवर नेऊन तिच्यावर अत्याचार केल्याची घटना उघडकीस आली आहे. या घटनेनं परिसरात खळबळ उडाली आहे.
कॉफी शॉपमध्ये ओळख; सोशल मीडियावर मैत्री, नंतर लग्नाचे आमिष देत तरुणीवर वारंवार अत्याचार
मिळालेल्या माहितीनुसार, इंस्टाग्रामवरून ओळख करत अहमदनगर शहरात बोलावून घेत एका विवाहितेवर लॉजवर नेऊन अत्याचार केल्याची घटना उघडकीस आली आहे. याप्रकरणी अमीर हसन शेख यास कोतवाली पोलिसांनी शिक्रापूर येथून शुक्रवारी अटक केली. पीडित महिलेशी आरोपीने इंस्टाग्रामवरून ओळख वाढविली. पीडितेला अहमदनगर शहरातील पुणे बसस्थानक येथे भेटण्यासाठी बोलविले. पीडित बसस्थानक महिलाही मुलासह परिसरात आली.

आपण कुठे तरी निवांत बसून बोलू, असे म्हणत आरोपीने पीडितेला बसविले. तेथून तो पीडित महिलेला दुचाकीवर घेऊन शहरातील एका लॉजवर गेला. लॉजवर पोहोचल्यानंतर मारहाण करत पीडितेवर अत्याचार केला. त्यानंतर पीडितेने फोनवरून आरोपीला विचारणा केली असता त्याने जीवे मारण्याची धमकी दिली. त्यामुळे पीडितेने कोतवाली पोलीस ठाण्यात येऊन फिर्याद दिली. फिर्यादीवरुन गु.र.नं. १५८३/२०२३ भादंवि क. ३७६,५०४,५०६ प्रमाणे गुन्हा दाखल करण्यात आला होता.

नवीन जॅकेट जुनी झाली तरी मंत्रीपद मिळेना, ठाकरेंनी भरत गोगावलेंच्या जखमेवर मीठ चोळलं

कोतवाली पोलिसांनी आरोपीचा शोध घेतला. त्यास शिक्रापूर येथून अटक केली असून, कोतवाली पोलीस ठाण्यात हजर करण्यात आले आहे. ही कारवाई पोलीस निरीक्षक प्रताप दराडे यांच्या मार्गदर्शनाखालील पोलीस उपनिरीक्षक प्रवीण पाटील, शीतल मुगडे, तनवीर शेख, ज्ञानेश्वर मोरे, दीपक रोहकले, तान्हाजी पवार आदीच्या पथकाने ही कारवाई केली.



Source link

Leave a Reply

Your email address will not be published. Required fields are marked *