सातारा: दुधेबावी (ता. फलटण) गावच्या हद्दीत मोगराळे घाटात आयशर टेम्पो आणि दुचाकीची समोरासमोर धडक होऊन अपघात झाला. यात मलवडी (ता. माण) येथील तरुणीता जागीच मृत्यू झाला, तर एकजण गंभीर जखमी झाला आहे. शिवानी सुभाष मगर (वय २२) असे अपघातात ठार झालेल्या तरुणीचे नाव आहे. धीरज हिंदुराव सराटे (रा. मलवडी, ता. माण) हा दुचाकी चालवणारा युवक जखमी झाला आहे.

याबाबत पोलिसांनी सांगितले की, धीरज सराटे याचा २६ फेब्रुवारी रोजी विवाह आहे. यानिमित्ताने लग्नाची खरेदी करण्यासाठी तो घरगुती जिव्हाळ्याचे संबंध असलेल्या सुभाष मगर यांची कन्या शिवानीला दुचाकीवरून फलटणला सोबत घेऊन गेला होता. सुभाष मगर आणि धीरज सराटे हे दोघे अध्यात्मिक वृत्तीचे असल्यामुळे दोन्ही कुटुंबात मोठा जिव्हाळा होता. खरेदी झाल्यानंतर परत दुचाकीवरून मलवडीला येत असताना मोगराळे घाटात एका वळणावर समोरुन आलेल्या आयशर टेम्पोने त्यांच्या दुचाकीला धडक दिली. यात दुचाकीवर मागे बसलेली शिवानी ही टेम्पोखाली आल्याने तिचा जागीच मृत्यू झाला, तर धीरज हा गंभीर जखमी झाला आहे.

रात्री मित्रांसोबत लग्नाला गेला, सकाळी मुलाच्या मृत्यूची बातमी आली, सचिनसोबत नेमकं काय घडलं?
फलटण येथील ग्रामीण रुग्णालयात शिवानीचे शवविच्छेदन केल्यानंतर मृतदेह नातेवाईकांच्या ताब्यात देण्यात आला. मलवडी येथे तिच्यावर शोकाकुल वातावरणात अंत्यसंस्कार करण्यात आले. एक हसतमुख, हरहुन्नरी आणि विटा येथे डीएडचे शिक्षण घेत असलेल्या युवतीच्या अपघाती मृत्यूने परिसरात हळहळ व्यक्त होत आहे. तर गंभीर जखमी झालेल्या धीरजवर फलटण येथे खासगी रुग्णालयात उपचार सुरू आहेत.

पुण्यातील नामांकित वकिलांसोबत शांत डोक्याने प्लॅन; डोळ्यांदेखत ‘रेकी’ करुन साथीदारांनी मोहोळचा काटा काढला

मगर दाम्पत्य वारकरी, धार्मिक वृत्तीचे आहे. त्यांना ओंकार आणि शिवानी ही दोन अपत्य. कोव्हिड काळात २०१९ मध्ये ओंकार या मुलाचे मेंदूविकाराने आकस्मिक निधन झाले. हे दु:ख पचवून त्यातून ते कसेबसे सावरत असतानाच पुन्हा एकदा त्यांच्या मुलीवर काळाने घाला घातला. शिवानीच्या अपघाती निधनाने हे दाम्पत्य खचून गेले आहे.



Source link

Leave a Reply

Your email address will not be published. Required fields are marked *