होत्याचं नव्हतं झालं! अभिनेत्री जया प्रदा यांना तुरुंगवास, न्यायालयाने सुनावला ५ हजारांचा दंड

तथापि, कामगार सरकारी विमा महामंडळाच्या वकिलांनी त्यांच्या अपीलवर आक्षेप घेतला, त्यानंतर जया प्रदा आणि या प्रकरणाशी संबंधित इतर तिघांना सहा महिन्यांच्या तुरुंगवासाची शिक्षा सुनावण्यात आली. तसेच प्रत्येकाला ५ हजार रुपये दंड भरण्यास सांगण्यात आले.

जयाप्रदा रामपूरमधून दोनदा झाल्या खासदार

जयाप्रदा यांनी समाजवादी पक्षाच्या वतीने रामपूरचे लोकसभेत दोनदा प्रतिनिधीत्व केले आहे. २००४ आणि २००९ मध्ये त्यांनी काँग्रेस उमेदवाराचा पराभव करून रामपूरची जागा जिंकली होती. नंतर सपाने त्यांना बाहेरचा रस्ता दाखवला आणि त्यानंतर २०१४ मध्ये त्यांनी बिजनौरमधून आरएलडीच्या तिकिटावर निवडणूक लढवली, पण त्यांना पराभवाला सामोरे जावे लागले. २०१९ मध्ये जयाप्रदा रामपूरला परतल्या आणि भाजपने त्यांना उमेदवारी दिली. मात्र, यावेळीही त्यांना पराभवाचा सामना करावा लागला.

जयाप्रदा यांची राजकीय कारकिर्द

विशेष म्हणजे रामपूरमधून खासदार राहिलेल्या जयाप्रदा यांची राजकीय कारकीर्द १९९४ मध्ये तेलगू देसम पक्षातून सुरू झाली होती. जयाप्रदा १९९६ मध्ये आंध्र प्रदेशमधून पहिल्यांदा राज्यसभेवर निवडून आल्या होत्या. यानंतर २००४ मध्ये त्या समाजवादी पक्षात सहभागी झाल्या आणि दोनदा लोकसभेच्या खासदार झाल्या. त्यांनी राष्ट्रीय लोकदलाकडून लोकसभा निवडणूकही लढवली होती. नंतर भारतीय जनता पक्षात प्रवेश केला.