नवी दिल्ली : इन्कम टॅक्स रिटर्न (आयकर) भरण्याची तारीख आता जवळ येत असून यादरम्यान आयकर विभागाने मूल्यांकन वर्ष २०२४-२५ साठी टॅक्स रिटर्न भरण्यासाठी प्राप्तिकर रिटर्न फॉर्म २, ३ आणि ५ अधिसूचित केले आहेत. केंद्रीय प्रत्यक्ष कर मंडळाने (CBDT) शुक्रवारी ही माहिती दिली आणि एका निवेदनात म्हटले की मूल्यांकन वर्ष २०२४-२५ मध्ये रिटर्न भरण्यासाठी ITR-२, ५ आणि ५ फॉर्म ३१ जानेवारी २०२४ रोजी अधिसूचित केले आहेत.

आयकर विभागाद्वारे अधिसूचित करण्यात आलेले फॉर्म विशेषतः विशिष्ट प्रकारचे उत्पन्न असलेल्या व्यक्तींसह विविध संस्थांद्वारे वापरले जातात. आयकर रिटर्न भरण्यासाठी ITR-2 आणि ITR-3 भरण्याची अंतिम मुदत ३१ जुलै २०२४ आहे. तर आयकर लेखापरीक्षित आणि व्यावसायिक आयकरदात्यांनी ३१ ऑक्टोबर २०२४ पर्यंत ITR-3 सादर करणे आवश्यक असते.

Tax Saving Ideas: पत्नीला घरभाडे देऊन मिळवू शकता HRA वर टॅक्स सवलत, जाणून घ्या काय आहे नियम
श्रीमंत करदात्यांना द्यावी लागणार अतिरिक्त माहिती
५० लाख रुपयांपेक्षा जास्त वार्षिक उत्पन्न किंवा एकापेक्षा जास्त घरांचे मालक असलेल्या करदात्यांना यंदा आयकर रिटर्न (ITR) भरताना अतिरिक्त माहिती शेअर करणे आवश्यक असेल.

कोणता फॉर्म कोणी वापरायचा
आयकर विभागाच्या माहितीनुसार, आयटीआरचे सर्व फॉर्म एक ते सहा अधिसूचित केले असून नवीन आर्थिक वर्ष १ एप्रिल २०२४ पासून फॉर्म प्रभावी होतील. व्यक्ती आणि हिंदू अविभक्त कुटुंबे (HUF) ज्यांचे व्यापार किंवा व्यवसायातून उत्पन्न होत नाही पण ITR फॉर्म-1 (सहज) दाखल करण्यास पात्र नाहीत, त्यांनी ITR-2 दाखल करावा. तसेच व्यापार किंवा व्यवसायातून उत्पन्न असलेले लोक ITR फॉर्म-3 दाखल करू शकतात.

सेव्हिंग अकाउंट, एफडी आणि RD वर मिळत असेल एवढे व्याज तर भरावा लागेल टॅक्स, जाणून घ्या
आयकर रिटर्न फॉर्ममध्ये बदल

पन्नास लाख रुपयांपर्यंत उत्पन्न असलेल्या करदात्यांसाठी ITR-1 किंवा सहज फॉर्म डिसेंबर २०२३ मध्ये अधिसूचित करण्यात आला होता तर रिटर्न भरणाऱ्या कंपन्यांसाठी ITR-6 फॉर्म जानेवारी २०२४ मध्ये अधिसूचित करण्यात आला. सीबीडीटीने सांगितले की, ‘करदात्यांची सोय आणि रिटर्न भरण्याच्या सुलभतेसाठी ITR फॉर्ममध्ये बदल करण्यात आले आहेत.’

दरम्यान, एकूण पन्नास लाखांपर्यंत उत्पन्न आणि व्यापार/व्यवसायातून कमाई करणाऱ्या करदात्यांना ITR-4 (सुगम) रहिवासी व्यक्ती, HUF आणि फर्म (एलएलपी व्यतिरिक्त) भरायचा. त्याच वेळी, भागीदारी (पार्टनर) कंपन्या आणि एलएलपी आयटीआर फॉर्म-5 दाखल करू शकतात. तसेच आयकर कायद्याच्या कलम ११ अंतर्गत सूटसाठी दावा करणाऱ्या कंपन्या वगळता इतर कंपन्या रिटर्नसाठी आयटीआर फॉर्म-6 वापरू शकतात.

Read Latest Business News

काय बदलले?

  • कायदेशीर अस्तित्व ओळखकर्ता (LEI) क्रमांक, ऑडिट अहवालाचा पोचपावती क्रमांक, UDIN आणि भांडवली नफा खाते योजनेचे तपशील इत्यादी. यंदा अद्ययावत फॉर्ममध्ये अधिक माहिती देण्याच्या हेतूने विविध नवीन फील्ड समाविष्ट आहेत.
  • टॅक्स ऑडिटच्या (लेखापरीक्षण) अधीन असलेली व्यक्ती किंवा HUF आता इलेक्ट्रॉनिक पडताळणी कोड (EVC) वापरून आयटीआर सत्यापित करू शकतील, जे पूर्वीच्या पद्धतीत केवळ डिजिटल स्वाक्षरी प्रमाणपत्रांवर (DSCs) अवलंबून होती.

Budget 2024: टॅक्स स्लॅब ‘जैसे थे’, तरीही मोदी सरकारची एक घोषणा कोट्यवधी लोकांच्या पथ्यावर, वाचा सविस्तर
दरम्यान, आयटीआर फॉर्ममधील बदलांना संबोधित करताना Taxmann चे उपाध्यक्ष, संशोधन आणि सल्लागार नवीन वाधवा म्हणाले की, “नव्या आयटीआर फॉर्ममध्ये करदात्यांना विविध कपातीचा दावा करण्यासाठी अधिक तपशीलवार माहिती देणे आवश्यक आहे. CBDT ची ही कारवाई कर अनुपालनामध्ये अधिक जबाबदारी आणि पारदर्शकता सुनिश्चित करण्याच्या दिशेने एक पाऊल आहे.”

Read Latest Business News



Source link

Leave a Reply

Your email address will not be published. Required fields are marked *