नाशिक : नाशिकमध्ये श्रीमंत जगद्गुरु श्री संत तुकाराम जनसेवा प्रतिष्ठान आयोजित वारी आपल्या दारी, अभंग पंचविशी प्रकाशन आणि ग्रंथदान सोहळ्यासाठी राज्याचे अन्न व नागरी पुरवठा मंत्री छगन भुजबळ आणि विधानसभेचे उपाध्यक्ष नरहरी झिरवाळ यांना आमंत्रित करण्यात आले होते. मंत्री छगन भुजबळ हे या कार्यक्रमाच्या व्यासपीठावर वारकरी पगडी परिधान करून बसलेले असताना मागून आलेल्या नरहरी झिरवाळ यांनी त्यांच्यासमोर नतमस्तक होत आशीर्वाद घेतले.

दरम्यान, विधानसभेचे उपाध्यक्ष आणि दिंडोरीचे आमदार नरहरी झिरवाळ यांनी छगन भुजबळ यांना नाशिक मधील वारकरी संप्रदायाच्या कार्यक्रमात वारकरी परंपरेनुसार लोटांगण घालून नमस्कार केला. झिरवाळ यांनी लोटांगण घालत काय आशीर्वाद मागितला आणि भुजबळांनी नेमका काय आशीर्वाद दिला याची चर्चा सध्या राजकीय वर्तुळात सुरू झाली आहे. तसेच व्यासपीठावर उपस्थित काही प्रमुख वारकरी संप्रदायातील लोकांसमोरही झिरवाळ यांनी नतमस्तक होत चरणस्पर्श केले.

बाळा नांदगावकरांना लोकसभेला उतरवा, मनसे पदाधिकाऱ्यांचा आग्रह; शिंदे-ठाकरेंना धडकी भरवणारा मतदारसंघ
श्रीमंत जगद्गुरू श्री संत तुकाराम महाराज जनसेवा प्रतिष्ठानतर्फे रविवारी शहरातील श्रद्धा लॉन्स येथे ‘अभंग पंचविशी’ प्रकाशन सोहळा व ग्रंथदान सोहळा पार पडला. संत तुकारामांच्या निवडक २५ अभंगांचा संग्रह असलेल्या ‘अभंग पंचविशी’चे प्रकाशन करण्यात आले. ‘वारी आपल्या दारी, श्री संत तुकाराम समर्थ गाथा घरोघरी’ या उपक्रमाच्या माध्यमातून हा सोहळा पार पडला. यासाठी विधानसभेचे उपाध्यक्ष नरहरी झिरवाळ, अन्न व नागरी पुरवठा व ग्राहक संरक्षण मंत्री छगन भुजबळ, आमदार ॲड. माणिकराव कोकाटे यांच्यासह वारकरी संप्रदायातील नागरिक उपस्थित होते.

मराठा आंदोलनावेळी अतिमहत्त्वाच्या बंदोबस्तास गैरहजर, सहाय्यक पोलीस निरीक्षक मनोज लांडगे निलंबित
या कार्यक्रमाप्रसंगी मंत्री भुजबळ म्हणाले, संत तुकारामांचे अभंग बुडवण्याचे अनेक प्रयत्न झाले. पण संतांचे विचार कधीही संपत नाहीत. संत तुकारामांनी रचलेले अभंग हे कधीही न भंगणारे आहेत. अंधश्रद्धेला त्यांनी कधीही खतपाणी घातले नाही. पण देवाप्रती आपली श्रद्धा असायला हवी, अशी शिकवण त्यांनी दिली. असे विधान यावेळी मंत्री भुजबळ यांनी केले. मात्र या ठिकाणी झिरवळ यांनी मंत्री भुजबळ यांच्या समोर घातलेले लोटांगण चर्चेचा विषय ठरला.

मी मंत्रीपदाला चिकटून बसतो असं समजू नका, राजीनामा दिल्यानंतरचा घटनाक्रम भुजबळांनी सांगितला

Read Latest Maharashtra News Updates And Marathi News



Source link

Leave a Reply

Your email address will not be published. Required fields are marked *