KBC मध्ये एक कोटी रुपये जिंकल्यास द्यावा लागतो लाखोंचा कर, जाणून घ्या काय सांगतो आयकर नियम

पाकिस्तान बॉर्डरपासून केवळ अर्ध्या किमीवर घर, KBC मध्ये एक कोटी जिंकणारा कोण आहे जसकरण
जसकरण KBC सीजन १५ चा पहिला करोडपती
पंजाबचा जसकरण सिंग KBC च्या १५ व्या सीझनचा पहिला करोडपती विजेता ठरला पण, कराची रक्कम वजा केल्यावर त्यांच्या हातात किती पैसे येतील हे तुम्हाला माहिती आहे का? जसकरणने एक कोटी रुपयांचे बक्षीस जिंकले आहे, परंतु त्याच्या हातात सर्व पैसे मिळणार नाहीत.

KBC बक्षीस रकमेवर किती टॅक्स कट होणार?
आयकर नियमांनुसार जसकरणला एक कोटी जिंकलेल्या रकमेवर ३० टक्के म्हणजेच ३० लाख रुपये थेट कर भरावा लागेल. इतकेच नाही तर बक्षीस रकमेवर तुम्हाला सवलत मिळत नाही, परंतु तुमची जिंकण्याची रक्कम ५० लाख रुपयांपेक्षा जास्त असेल तर तुम्हाला कापलेल्या करावर १०% अधिभार देखील भरावा लागेल. हा अधिभार एक कोटी रुपयांपेक्षा जास्त रकमेवर १५% आहे. अशाप्रकारे, तुम्हाला ३० लाख रुपयांच्या १०% सरचार्ज म्हणजेच तीन लाख रुपये देखील भरावे लागतील.

KBC १५ मध्ये करोडपती झालेल्या जसकरण सिंहला व्हायचंय IAS ऑफिसर, कोचिंगशिवाय करतोय UPSC ची तयारी
उपकर भरल्यानंतर किती उरणार?
आता तुम्हाला कापलेल्या एकूण करावर चार टक्के सेस भरावा लागेल. शिक्षण आणि कृषी क्षेत्रासाठी हा सेस आकारला जातो. अशा प्रकारे, तुम्हाला ३३ लाख रुपयांच्या करावर ४% सेस देखील भरावा लागेल, जो १.३२ लाख रुपये असेल. अशा प्रकारे तुम्हाला एक कोटी रुपयांवर एकूण ३४.३२ लाख रुपये कर भरावा लागेल आणि तुमच्या हातात फक्त ६५.६८ लाख रुपये येतील.

७ कोटी जिंकल्यावर किती टॅक्स कट होणार
जर तुम्ही KBC मध्ये ७ कोटी रुपये जिंकले तर त्यातील ३०% म्हणजेच २.१० कोटी रुपये थेट कर म्हणून भरावा लागेल. त्यानंतर १५% म्हणजेच ३१.५ लाख रुपये या करावर अधिभार म्हणून भरावा लागेल, कारण एक कोटी रुपयांपेक्षा जास्त बक्षीसांवर १५% अधिभार लागू आहे. अशा प्रकारे एकूण कर वजावट रु. दोन कोटी ४१ लाख ५० हजार असेल. तुम्हाला या रकमेवर ४% सेस देखील भरावा लागेल जो ९.६६ लाख रुपये असेल. अशाप्रकारे ७ कोटी रुपयांच्या बक्षीसांपैकी तुम्हाला फक्त २ कोटी ५१ लाख १६ हजार रुपये कर भरावा लागेल आणि रक्कम वजा केल्यास उर्वरित चार कोटी ४८ लाख ८४ हजार रुपये तुमच्या हातात येतील.