नवी दिल्ली : पंजाब, उत्तर प्रदेश, हरियाणा राज्यातील शेतकऱ्यांनी पुन्हा दिल्लीकडे प्रयाण केलं आहे. शेतकऱ्यांनी दिल्लीत १३ फेब्रुवारी रोजी मोर्चा आयोजित केला आहे. शेतकऱ्यांकडून किमान आधारभूत किमीतीच्या गॅरंटीसाठी हा मोर्चा आयोजित करण्यात आला आहे. शेतकऱ्यांनी २०२१ मध्ये शेतमालाच्या किमान आधारभूत किमतीच्या हमीच्या अटीवर दिल्लीच्या सीमेवरील शेतकरी आंदोलन मागं घेतलं होतं.

शेतकऱ्यांनी दिल्लीपर्यंत पोहोचू नये म्हणून हरियाणा राज्यातील पंजाब आणि दिल्लीला लागून असलेल्या सीमा सील केलेल्या आहेत. शेतकऱ्यांनी पुकारलेल्या दिल्ली चलो आंदोलनाला रोखण्यासाठी प्रयत्न करण्यात येत आहेत.

शेतकरी आंदोलनाबाबत महत्वाचे मुद्दे

संयुक्त किसान मोर्चा आणि किसान मजदूर मोर्चानं २०० शेतकरी संघटनांसह दिल्लीत १३ फेब्रुवारी रोजी मोर्चा काढण्याचं नियोजन केलं आहे. केंद्र सरकारनं किमान आधारभूत किमतीच्या हमीचा कायदा आणि इतर मागणीसाठी शेतकरी आंदोलन करत आहेत.

किमान आधारभूत किमतीच्या हमीच्या कायद्यासह स्वामिनाथन आयोगाच्या शिफारशी लागू करणे, शेतकरी आणि शेतमजुरांना पेन्शन मिळावी, पीक कर्ज माफी, पोलिसांनी दाखल केलेले गुन्हे मागं घेणे,लखीमपूर खेरीच्या हिंसेतील आरोपींना शिक्षा आणि पीडितांना न्याय मिळावा म्हणून शेतकरी आक्रमक झालेले आहेत.

हरियाणा सरकारनं कलम १४४ लागू केला आहे. यामुळं राज्यातील १५ जिल्ह्यांमध्ये ५ पेक्षा अधिक लोकांना एकत्र येण्यावर बंदी घालण्यात आली आहे.

हरियाणा सरकारनं सात जिल्ह्यांमध्ये मोबाईल इंटरनेट बंद केलेलं असून बल्क एसएएमस पाठवण्यावर बंदी घालण्यात आली आहे. अंबाला, कुरुक्षेत्र, कैथल, जिंद, हिसार, फतेहबाद, सिस्रा मध्ये ११ फेब्रुवारी ते १३ फेब्रुवारी दरम्यान इंटरनेट बंद राहील. चंदीगड प्रशासनानं देखील कलम १४४ पुढील ६० दिवसांसाठी लागू केलं आहे.

दिल्लीमध्ये पोलिसांनी कलम १४४ लागू करण्यात आलं आहे. यामुळं दिल्लीत दोनपेक्षा अधिक लोकांना सार्वजनिक ठिकाणी जमण्यास मनाई करण्यात आली आहे. उत्तर प्रदेश आणि दिल्लीला जोडणाऱ्या सीमेवर बंदोबस्त ठेवण्यात आलेला आहे. दिल्ली पोलिसांनी उत्तर प्रदेशातून येणाऱ्या ट्रॅक्टर, ट्रक, बसेस, खासगी वाहने यांच्या प्रवेशाला देखील मनाई करण्यात आलेली आहे.

दिल्लीमधील टिकरी बॉर्डरवर सुरक्षा वाढवण्यात आली आहे. मोठमोठे कंटेनर, सिमेंटचे बॅरिकेडस, वॉटर कॅनन सिंघू बॉर्डरवर तैनात करण्यात आलेले आहेत.
शेतकरी पुन्हा राजधानी दिल्लीच्या वेशीवर, संसदेवर धडक देण्याचा निर्धार, नेमक्या मागण्या काय?
संयुक्त किसान मोर्चा आणि किसान मजदूर मोर्चाच्या प्रतिनिधींसोबत केंद्र सरकारच्या शिष्टमंडळासोबत आज चंदीगडमध्ये चर्चा करण्याची शक्यता आहे. पियुष गोयल, अर्जुन मुंडा, नित्यानंद राय हे शेतकरी संघटनांच्या प्रतिनिधींसोबत चर्चा करतील.
Read Latest Maharashtra News And Marathi News

भारतीय किसान यूनियनचे नेते लाखोवाल यांनी ते दिल्ली चल्लो मोर्चात सहभागी होणार नसल्याचं म्हटलं. शेतकऱ्यांसोबत चुकीची घटना घडल्यास आम्ही त्याचा विरोध करु असं त्यांनी म्हटलं आहे.
हायवेवर सिमेंट बॅरिकेडिंगनं उभारल्या भिंती, मोठे खिळे ठोकले; इतकी तयारी कोणाला रोखण्यासाठी?
दरम्यान, काँग्रेस नेते मल्लिकार्जुन खरगे यांनी मोदी सरकारकडून शेतकरी आणि तरुणांना संपवण्याचं काम झाल्याचा आरोप केला. शेतकऱ्यांच्या दिल्ली चलो आंदोलनाला काँग्रेसचा पाठिंबा असल्याचं ते म्हणाले. तीन कृषी कायदे मागं घेत असल्याची अधिसूचना देखील सरकारनं काढली नसल्याचं खरगे म्हणाले.
लोकसभा निवडणुकीच्या तोंडावरच शेतकऱ्यांचे पुन्हा ‘चलो दिल्ली’, पंजाब-हरियाणा बॉर्डर सील
२०२० मध्ये पंजाब, हरियाणा आणि उत्तर प्रदेशमधील शेतकऱ्यांनी कृषी कायद्यांविरोधात आंदोलन सुरु केलं होतं सिंघू, टिकरी आणि गाझीपूर सीमेवर शेतकऱ्यांनी तळ ठोकला होता. शेतकऱ्यांनी तीन कृषी कायदे मागं घेण्यासाठी आंदोलन करण्यात आलं होतं. शेतकऱ्यांच्या लढ्यासमोर त्यावेळी केंद्र सरकारला झुकावं लागलं होतं.



Source link

Leave a Reply

Your email address will not be published. Required fields are marked *