[ad_1]
महाविकास आघाडीत सहभागाच्या शक्यता मावळल्यानंतर वंचित बहुजन आघाडीने स्वबळावर निवडणूक लढवण्याचा निर्णय घेतला. प्रकाश आंबेडकर यांनी एकामागून एक उमेदवार जाहीर करण्यास सुरुवात केली. बारामतीत सुप्रिया सुळे, तर रामटेकमध्ये काँग्रेस बंडखोर किशोर गजभिये यांना पाठिंबा देण्याचा निर्णय वंचितने घेतला. अद्याप पाचव्या टप्प्यातील मुंबईतल्या उमेदवारांची घोषणा त्यांनी केलेली नाही.
दक्षिण मध्य मुंबई मतदारसंघातून खुद्द प्रकाश आंबेडकर निवडणूक लढवण्याची शक्यता वर्तवली जात होती. मात्र त्यांनी गेल्या वेळीप्रमाणे पुन्हा एकदा अकोला मतदारसंघातून निवडणुकीच्या रिंगणात उतरायचं ठरवलं आहे.
सुजात आंबेडकर हे वंचितमधीलतील युवा आघाडीची धुरा सांभाळतात. गेल्यावेळी वय कमी असल्याने ते लोकसभा लढवू शकले नव्हते, परंतु आता ते रिंगणात उतरुन दक्षिण मध्य मुंबईतून निवडणूक लढवण्याची चर्चा आहे. परंतु यास अद्याप अधिकृत दुजोरा मिळालेला नाही.
दक्षिण-मध्य मुंबईतील जातीय समीकरणं
वंचित बहुजन आघाडी दक्षिण मध्य मुंबईतून उमेदवार देण्याचं कारण म्हणजे या भागात असलेले दलित – बहुजन मतदारांचं प्राबल्य. इथे सध्या १६ टक्के दलित-बहुजन, तर २३ टक्के मुस्लिम मतदार आहेत. दलित समाजाचे प्रामुख्याने चेंबूर, वडाळा भागात वास्तव्य आहे. तर मुस्लिम समाज चेंबूर, अणुशक्तीनगर या भागात मोठ्या प्रमाणात आहे. या दोन मोठ्या समाजांचे जातीय समीकरण पाहता सुजात येथून निवडणूक लढवण्याची शक्यता आहे.
Read Latest Maharashtra News Updates And Marathi News
२०१९ च्या निवडणुकीची आकडेवारी
२०१९ च्या लोकसभा निवडणुकीत शिवसेनेचे उमेदवार राहुल शेवाळे यांना ५४ टक्के मतं मिळाली होती. तर काँग्रेसच्या एकनाथ गायकवाड यांना ३४ टक्के मतं मिळाली होती. तर वंचितच्या संजय भोसले यांना ८ टक्के मतं मिळाली होती. या वेळेस सुजात यांना वंचितच्या मतांच्या टक्केवारीत वाढ होते का, हे पाहावं लागणार आहे.
[ad_2]
Source link