[ad_1]
डिसेंबर २०२३मध्ये एसआयपीच्या माध्यमातून १७ हजार ६१० कोटी रुपये गुंतवले गेले होते. जानेवारी महिन्यात १८ हजार ८३८ कोटी रुपये एसआयपीद्वारे गुंतवले गेले. इक्विटी म्युच्युअल फंडांमध्ये डिसेंबर २०२३मध्ये १६ हजार ९९७ कोटी रुपयांची गुंतवणूक झाली होती. जानेवारीत त्यात २८ टक्के वाढ झाली आणि २१ हजार ७८० कोटी रुपयांची गुंतवणूक या फंडांमध्ये झाली.
इक्विटी फंडांतील स्मॉल कॅप फंडांनी सलग चौथ्या महिन्याक तीन हजार कोटी रुपयांपेक्षा अधिक गुंतवणूक आकर्षित केली आहे. अन्य फंडांच्या तुलनेत लार्ज कॅप फंडांमध्ये १,२८७ कोटी रुपयांची गुंतवणूक झाली आहे. ही गुंतवणूक अन्य फंडातील गुंतवणउकीच्या तुलनेत कमी दिसत असली तरी या गटातील फंडांत मागील १९ महिन्यांतील ही सर्वाधिक गुंतवणूक ठरली आहे. लार्ज कॅप फंडांतून डिसेंबर २०२३मध्ये २८१ कोटी रुपये काढून घेतले गेले होते.
संपूर्ण म्युच्युअल फंड क्षेत्राचा विचार करता, डिसेंबर २०२३मध्ये या क्षेत्रातील विविध फंडांत मिळून ४०,६८५ कोटी रुपयांची गुंतवणूक झाली होती. जानेवारीत ही गुंतवणूक वाढून १.२३ लाख कोटी रुपयांवर गेली आहे. डेट फंडांमध्ये जानेवारीत ७६,४८३ कोटी, हायब्रिड फंडांत २०,६३७ कोटी रुपयांची गुंतवणूक झाली.
अॅम्फीचे सीईओ वेंकट चालसानी यांनी सांगितले की, “म्युच्युअल फंडांच्या मत्ता व्यवस्थापन कंपन्यांनी गुंतवणूकदार साक्षरतेसाठी केलेल्या प्रयत्नांचे हे फळ आहे. त्याचप्रमाणे नागरिकांमध्ये अर्थसाक्षरता वाढीस लागल्याचेही हे लक्षण आहे.”
अॅम्फीने दिलेली जानेवारीतील गुंतवणुकीची आकडेवारी
– थेमॅटिक इक्विटी फंडांमध्ये ४,८०५ कोटी रुपये
– स्मॉल कॅप इक्विटी फंडांत ३,२५७ कोटी रुपये
– मल्टि कॅप इक्विटी फंडांमध्ये ३,०३९ कोटींची गुंतवणूक
– लार्ज कॅप फंडांमध्ये १,२८७ कोटी रुपये
– लिक्विड फंडांत ४९,४६८ कोटींची भर
– मनी मार्केट फंडांमध्ये १०,६५१ कोटी रुपयांची गुंतवणूक
– ओव्हरनाइट फंडांत ८,९९५ कोटींची गुंतवणूक
[ad_2]
Source link