नवी दिल्ली: भारतीय क्रिकेट संघाचा स्टार यष्टिरक्षक फलंदाज इशान किशन सध्या टीम इंडियातून बाहेर आहे. इंग्लंडची कसोटी मालिका जोरात सुरू आहे आणि इंडियन प्रीमियर लीगही जवळ आली आहे आणि हा धाकड फलंदाज सध्या क्रिकेटपासून दूर आहे. पण इशान किशन सध्या कुठे आहे आणि तो क्रिकेटच्या मैदानावर कधी परतणार आहे, जाणून घेऊया.

ऑक्टोबरमध्ये ऑस्ट्रेलियाविरुद्धचे पहिले तीन टी-२० सामने खेळल्यानंतर इशान किशन मैदानावर परतलेला नाही. कसोटी संघाचा भाग असूनही विश्रांतीची गरज असल्याचे कारण देत त्याने दक्षिण आफ्रिका दौऱ्याला नकार दिला. त्याने झारखंडच्या चालू असलेल्या रणजी ट्रॉफी २०२४ च्या मोहिमेत देखील भाग घेतला नाही, त्याच्या योजनांबद्दल त्याच्या होम क्रिकेट असोसिएशनला अंधारात ठेवले आहे.

इंग्लंडसोबत खेळल्या जाणाऱ्या कसोटी मालिकेसाठी इशान किशनचा संघात समावेश करण्यात येणार असल्याचे वृत्त यापूर्वी आले होते. या कसोटी मालिकेसाठी भारतीय संघ जाहीर झाला तेव्हा त्यात इशान किशनचे नाव नव्हते. यानंतर इशान किशनचे सराव करतानाचे काही व्हिडिओ रिलीज झाले होते पण सध्या इशान किशन पूर्णपणे गायब असल्याचे दिसत आहे.

इशान किशनने क्रिकेटमधून ब्रेक घेतल्यानंतर अनेक रिपोर्ट्समध्ये असा दावा करण्यात आला होता की, इशानला संघातील अनुशासनहीनतेबद्दल शिक्षा झाली आहे. मात्र नंतर प्रशिक्षक राहुल द्रविडने या सर्व वृत्तांचे दावे फेटाळून लावले. आता पुन्हा एकदा त्याच्या क्रिकेटमधून गैरहजेरीबाबत चर्चा वाढली आहे.

द टेलिग्राफच्या वृत्तानुसार, बीसीसीआयचे निवडकर्ते किशनच्या देशांतर्गत क्रिकेटकडे दुर्लक्ष केल्याबद्दल खूश नाहीत, कारण आगामी आयपीएल हे जूनमध्ये होणाऱ्या टी-२० विश्वचषकासाठी निवडीचे मैदान मानले जात आहे. जितेश शर्मा किंवा संजू सॅमसन हे आधीच पसंतीचे पर्याय आहेत असे समोर येत आहे.

या प्रकरणाची माहिती असलेल्या एका व्यक्तीने टेलिग्राफला सांगितले. “ही एक अतिशय नाजूक परिस्थिती आहेकदाचित त्याला दीर्घ विश्रांतीची गरज आहे. त्याचे समर्थन करत अशा परिस्थितींना तोंड देण्याचे स्वातंत्र्य त्याला मिळाले पाहिजे.”



Source link

Leave a Reply

Your email address will not be published. Required fields are marked *