[ad_1]
दिग्पाल लांजेकर दिग्दर्शित या चित्रपटात अभिनेता चिन्मय मांडलेकर छत्रपती शिवाजी महाराजांच्या भूमिकेत दिसणार आहे. तर सोनपरी फेम अभिनेत्री मृणाल कुलकर्णी राजमाता जिजाऊ यांच्या भूमिकेत दिसणार आहेत.
पण या चित्रपटाची आणखी एक खास गोष्ट म्हणजे सुभेदार चित्रपटानिमित्त संपूर्ण कुलकर्णी कुटुंबीय एकाच चित्रपटात एकत्र काम करताना पाहायला मिळणार आहेत. या चित्रपटात मृणाल कुलकर्णींसोबतच त्यांचा मुलगा विराजस कुलकर्णी आणि त्यांची सून शिवानी रांगोळेदेखील दिसणार आहे. हे तिघे पहिल्यांदाच एकत्र काम करणार आहेत.
स्टार किड असूनही हृतिकला सहन करावं लागलेलं रॅगिंग; ‘कोई मिल गया’च्या रोहितसारखी झालेली अवस्था
सुभेदार या चित्रपटाचा ट्रेलर पहिल्यांदाच पुण्यात प्रदर्शित करण्यात आला. याप्रसंगी मृणाल कुलकर्णी यांनी पहिल्यांदाच मीडियाशी संवाद साधताना लेक आणि सूनेसोबत काम करताना कसे वाटले याबद्दल सांगितले. त्या म्हणाल्या की, “शिवराज अष्टक मालिकेच्या निमित्ताने आमचे एक कुटुंब तयार झाले आहे. या कुटुंबामध्ये विराजस-शिवानी ही माझी मुलं नव्हती याबद्दल माझ्या मनात शल्य होते. पण, दिग्पालने माझ्या नकळत त्यांना फोन करून त्यांची या भूमिकेसाठी निवड केली. माझ्यासाठी हा आश्चर्याचा गोड धक्का होता.”
नीना गुप्ता यांचा वयाच्या ६३ व्या वर्षी बोल्ड अवतार, अभिनेत्रीच्या आत्मविश्वासाचे होतयं कौतुक
“आपण नेहमी म्हणतो पुढच्या पिढीपर्यंत छत्रपती शिवाजी महाराजांचा इतिहास कसा पोहोचणार? पण, आज माझी पुढची पिढी शिवरायांचा इतिहास सामान्य जनतेपर्यंत पोहोचवण्यासाठी सज्ज झाली आहे याचा मला निश्चितच आनंद आहे. आमचे शूटिंगचे शेड्यूल एकत्र नव्हते, भूमिका वेगवेगळ्या आहेत तरीही एकत्र चित्रपटात काम करण्याचा आनंद आहे.”
सुभेदार चित्रपटाबद्दल बोलायचे झाल्यास हा सिनेमा येत्या १८ ऑगस्टला चित्रपटगृहांमध्ये दिसणार आहे. यात सुभेदार तानाजी मालुसरेंच्या भुमिकेत अजय पूरकर दिसणार आहेत.
[ad_2]
Source link