[ad_1]
चित्रपट
दादांनी अनेक मराठी चित्रपटांची निर्मिती केली. मराठीमध्ये गाजल्यावर त्यांनी हिंदीमध्ये पदार्पण केलं. बॉलिवूड कलाकारांमध्येही दादा कोंडके खूप लोकप्रिय होते. ‘आगे की सोच’, ‘तेरे मेरे बीच में’, ‘अंधेरी रात में दिया तेरे हाथ में’ आणि यासारख्या काही बॉलिवूड चित्रपटांमध्ये त्यांनी काम केलं. धर्मेंद्र, जितेंद्र आणि अमिताभ बच्चन यांसारख्या अभिनेत्यांनीही त्यांच्या यशाचं कौतुक केलं. ‘रेखा’ यांनी त्यांच्या ‘भिंगरी’ या चित्रपटात ‘कुठं कुठं जायचं हनिमूनला’ ही लावणी देखील केली होती.
खाजगी आयुष्य
दादांचे वैयक्तिक आयुष्य मात्र अत्यंत वादग्रस्त होतं. त्यांनी नलिनी नावाच्या महिलेशी लग्न केलं होतं आणि नंतर त्यांचा घटस्फोट झाला. घटस्फोटाच्या याचिकेत नलिनी यांनी म्हटले होते की दादा आणि तिने कधीही लग्न केले नव्हते आणि १९६७ पासून तिचा त्यांच्याशी कोणताही संपर्क नव्हता. तिला तेजस्विनी नावाची मुलगी होती जिचा जन्म १९६९ मध्ये झाला होता. अनेकांचा असा विश्वास आहे की तेजस्विनी दादाची मुलगी नव्हती तर काहींच्या मते ती दादाची मुलगी होती पण त्यांनी हयातीत तिचा स्वीकार केला नाही.
संपत्तीचा वाद
दादांचा मृत्यू १९९८ साली झाला आणि याच वर्षी त्यांनी आपलं मृत्युपत्रही लिहून घेतलं होतं. त्यांच्या मृत्यूनंतरही त्यांच्या संपत्तीचा वाद काही मिटलेला नाही. त्यांच्या मृत्यूनंतर तेजस्विनीने त्यांच्या संपत्तीवर दावा केला. दादांनी २ जानेवारी १९९८ रोजी इच्छापत्र तयार केलं. त्याचे कार्यवाह म्हणून शाहीर दादा कोंडके प्रतिष्ठानची स्थापना केली. मात्र दादा कोंडके यांची संपत्ती मिळावी यासाठी तेजस्विनी विजय शिवा यांनी वारसपत्र मिळावं यासाठी पुणे दिवाणी न्यायालयात अर्ज केला.
वारसपत्र मिळालं
पुणे न्यायालयाने त्यांना वारसपत्र दिलं मात्र त्याला शाहीर दादा कोंडके प्रतिष्ठानचे विश्वस्त आणि उषा चव्हाण, अफ्रिन चौगुले, हृदयनाथ दत्तात्रय कडू- देशमुख, सायली वराडकर, यांनी उच्च न्यायालयात आव्हान दिलं. वारस जाहीर करण्यापूर्वी न्यायालयाने त्यांचा दुसरा कुणी वारस आहे की नाही याची खातरजमा करून घ्यायला हवी होती. मात्र न्यायालयाने ती केली नाही असं प्रतिष्ठानच्या अपीलमध्ये म्हटल आहे.
चित्रपटाचा वाद
२५ वर्षानंतर या संपत्तीचा आणि दादांच्या चित्रपटाचा वाद मिटलेला नाही. अभिनेते-निर्माते दादा कोंडके यांच्या बारा सिनेमांच्या हक्कांबाबत कोणताही व्यवहार करण्यास शाहीर दादा कोंडके प्रतिष्ठानला मुंबई उच्च न्यायालयाने तूर्तास मनाई केली आहे. बारा सिनेमांच्या निगेटिव्ह सध्या बॉम्बे फिल्म एंटरप्रायजेस प्रा. लि. आणि नॅशनल फिल्म डेव्हलपमेंट कॉर्पोरेशन यांच्याकडे असून ट्रस्टच्या वतीने त्यावर हक्क सांगण्यात आला.
एव्हरेस्ट कंपनी
मात्र एव्हरेस्ट कंपनीच्या मते दादा कोंडके यांचे अधिकृत वारसदार माणिक पद्माकर मोरे यांनी संबंधित बारा सिनेमांचे हक्क त्यांना दिले आहेत. गेल्या वर्षी ऑगस्टमध्ये मोरे आणि एव्हरेस्ट कंपनीमध्ये बारा सिनेमांबाबत करार झाला आहे. मोरे यांना दादा कोंडके यांच्या अधिकृत इच्छापत्रामार्फत त्या बारा सिनेमांचे अधिकार मिळाल्याचे प्रथमदर्शनी सिद्ध होते. आणि ते अधिकार त्यांनी एव्हरेस्ट कंपनीला दिल्यानंतर त्यांचे १२ चित्रपट छोट्या पडद्यावर दाखवण्याचा निर्णय कंपनीकडून घेण्यात आला.
येऊ का घरात
सध्या झी टॉकीजवर दादांचे चित्रपट दाखवण्यात येत आहेत. ६ ऑगस्ट रोजी दादांचा ‘येऊ का घरात’ प्रसारित करण्यात आला होता. प्रेक्षकांनी त्याचा मनमुराद आनंद लुटला. मात्र दादांच्या संपत्तीचा हा वाद अजूनही मिटलेला नाही.
[ad_2]
Source link