मित्राच्या लग्नाला जाताना अनर्थ, ट्रकने अचानक ब्रेक दाबल्याने भीषण अपघात, एकाचा जागीच मृत्यू , चारजण जखमी

आई-वडिलांचं दु:ख संपेना, आधी लेकाला करोनाने हिरावलं, आता मुलगीही गेली; टेम्पोखाली चिरडून अंत

पोलिसांच्या माहितीनुसार चारचाकी वाहनात पाच जण प्रवास करत होते. महामार्गावर समोर असलेल्या ट्रक चालकांनं अचानक ब्रेक लावल्याने पाठीमागे असलेली कार ट्रकला जोरदार धडकली. यामध्ये कारचा समोरील भागाचा चुराडा झाला आहे. या भीषण अपघातात बुलढाणा जिल्ह्यातील मलकापूर शहरात राहणाऱ्या धीरज वऱ्हाडे याचा जागीच मृत्यु झाला. तर अन्य चौघे जण जखमी झाले. अपघातानंतर स्थानिक नागरिकांच्या मदतीने जखमींना तातडीने उपचारासाठी मुर्तीजापुर येथील शासकीय रुग्णालयात दाखल करण्यात आले असून त्यांच्यावर उपचार सुरू आहेत. तर काही लोकांना गंभीर दुखापत झाल्याने त्यांना पुढील उपचारासाठी अकोल्याचे रुग्णालयात हलवण्यात आले आहे. विनोद गडारी, मंगल पवार, शिवप्रताप तिवारी (रा.धुळे) आणि सागर विश्वेश्वर उमाळे (रा. तिगाव मारू, पांधूर्णा, मध्यप्रदेश) असं कारमधील अन्य जखमींची नावे आहेत. जखमी आणि मृतक तरुण हे सर्व मित्र असून एका कंपनीत कामाला होते. कंपनीत असलेल्या मित्राच्या लग्नाला जात असताना ही अपघाताची घटना घडली आहे. अपघाताची माहिती समजताच आज पहाटेच मृतक आणि जखमींच्या नातेवाईकांनी रुग्णालय गाठल आहे.

अपघाताची माहिती मिळताच माना पोलीस स्टेशनचे पोलीस निरीक्षक सुरज सुरोशे हे घटनास्थळी दाखल झाले, अन् अपघाती वाहनांना नागरिकांच्या मदतीने रस्त्याच्या बाजूला करून विस्कळीत झालेले वाहतूक सुरळीत केली आहे. दरम्यान या अपघाता प्रकरणी ट्रक चालक एकनाथ वामन महाजन (वय ४५ वर्ष, रा. नाने, ता.जिल्हा धुळे) याला ताब्यात घेतले असून गुन्हा दाखल करण्यात आला आहे.