[ad_1]
इंडियाना : अमेरिकेतील पर्ड्यू विद्यापीठात शिक्षण घेत असलेला भारतीय विद्यार्थी मृतावस्थेत आढळून आला. नील बेपत्ता झाल्याची तक्रार त्याच्या आईने रविवारी केल्यानंतर काही तासांतच त्याचा मृतदेह सापडल्याने खळबळ उडाली आहे. विद्यापीठाच्या कॅम्पसमध्येच पोलिसांना नील मृतावस्थेत सापडला. नील आचार्य हा पर्ड्यू विद्यापीठाच्या जॉन मार्टिनसन ऑनर्स कॉलेजमध्ये कॉम्प्युटर सायन्स आणि डेटा सायन्समध्ये डबल ग्रॅज्युएट होता. रविवारी, नीलची आई गौरी आचार्य यांनी एक्स या सोशल मीडियावर एका पोस्टमधून आपल्याला मुलाला शोधण्याचे आवाहन केले होते. “आमचा मुलगा नील आचार्य काल २८ जानेवारीपासून बेपत्ता आहे. तो अमेरिकेतील पर्ड्यू विद्यापीठात शिकत आहे. त्याला पर्ड्यू विद्यापीठात सोडणाऱ्या उबर ड्रायव्हरने त्याला शेवटचे पाहिले होते. त्याच्याबद्दल कोणतीही माहिती आम्हाला उपयुक्त ठरेल. तुम्हाला काहीही माहिती असल्यास कृपया आम्हाला मदत करा.” असं आवाहन गौरी आचार्यंनी केलं होतं. मात्र आता मुलाच्या मृत्यूची बातमी मिळाल्याने कुटुंबावर दुःखाचा डोंगर कोसळला आहे. शिकागो येथील भारतीय दूतावासाने त्यांच्या पोस्टला उत्तर दिले होते. “दूतावास पर्ड्यू विद्यापीठातील अधिकारी नीलचे कुटुंबीय यांच्या संपर्कात आहे. दूतावास शक्य ते सर्व सहकार्य आणि मदत करेल.” विद्यापीठातील स्वतंत्र मल्टीमीडिया एजन्सी पर्ड्यू एक्सपोनंटच्या माहितीनुसार, संगणक विज्ञान विभागाचे प्रमुख ख्रिस क्लिफ्टन यांनी सोमवारी एका ईमेलद्वारे नील आचार्यच्या मृत्यूची माहिती प्राध्यापक आणि विद्यार्थ्यांना दिली.आठवड्याच्या सुरुवातीलाच अमेरिकेतील जॉर्जिया येथील लिथोनियामध्ये एका दुकानात एका बेघर माणसाने हातोड्याने असंख्य वार करून एका भारतीय विद्यार्थ्याचा निर्घृणपणे खून केला होता. हा घटनेचा व्हिडिओ सोशल मीडियावर व्हायरल झाला आहे, परंतु त्याची तारीख निश्चित नाही. Read And
[ad_2]
Source link