वाशी
वाशी व आजुबाजूच्या परिसरातील सार्वजनिक तसेच घरगुती गणपती, शिवाजी चौक, सेक्टर-१७ मार्गे वाशीतील जागृतेश्वर तलावात विसर्जनासाठी जात असतात. त्यामुळे शिवाजी चौकात मोठ्या प्रमाणात वाहतूककोंडी होण्याची शक्यता असते. त्यामुळे येथील वाहतुकीत मोठ्या प्रमाणात बदल करण्यात आला आहे. वाहनचालकांना इच्छित स्थळी जाण्यासाठी पर्यायी मार्ग ठेवण्यात आला आहे.
Women’s Reservation: ७५ वर्षांनी देशात समान संधीची पहाट, महिलांना ३३ टक्के आरक्षण, आज विधेयक संसदेत मांडणार
कोपरखैरणे
संगम डेअरी, स्मशानभूमी (शंकर मंदिर) खाडी किनाऱ्यालगतचा रस्ता सेक्टर-१९ ते वरिष्ठा चौक सेक्टर-२० कोपरखैरणेकडे जाणाऱ्या गणेश विसर्जन मिरवणुकीतील वाहनांखेरीज इतर वाहनांना प्रवेशबंदी करण्यात आली आहे. त्यामुळे या मार्गावरील वाहनांना जीमी टॉवर चौक येथून उजवीकडे वळण घेऊन भीमाशंकर टॉवर्स सेक्टर-१९ कोपरखैरणे येथून कल्पेश मेडिकलमार्गे इच्छित स्थळी जाण्यासाठी पर्यायी मार्ग निश्चित करण्यात आला आहे.
जुईनगर
विसर्जनाच्या दिवशी जुईनगर येथील चिंचोली तलावाकडे सानपाडामार्गे जाणाऱ्या वाहनांना तसेच शिरवणे भुयारी मार्गाकडून चिंचोली तलावाकडे जाणाऱ्या वाहनांना प्रवेश बंद करण्यात आला आहे. त्यामुळे या मार्गावरून जाणाऱ्या वाहनांना पर्यायी मार्ग आहे.
सीबीडी
सीबीडी भागातील गणपतीचे विसर्जन हे आग्रोळी गाव येथील तलावात होत असल्याने कर्मवीर भाऊराव पाटील चौक ते दक्षिणेस सेक्टर-१५ कडे जाणारा रोड व सेक्टर-१५ कडून उड्डाणपुलावरून कर्मवीर भाऊराव पाटील चौकाकडे येणारा रस्ता गणेश विसर्जन मिरवणुकीतील वाहनांखेरीच इतर वाहनांसाठी बंद ठेवला आहे. त्यासाठी दिवाळे जंक्शन ते भाऊराव पाटील रस्ता रेल्वे स्टेशन सेक्टर-११ मार्गे इच्छित स्थळी जाण्यासाठी पर्यायी मार्ग आहे.
कळंबोली
विसर्जनाच्या दिवशी कळंबोलीतील करवली चौक, सेक्टर-२-केएल-२ नाका, हिंदुस्थान बँक चौक सेक्टर-८, एसबीआय बँक कॉर्नर, कारमेल चौक सेक्टर-६ सनशाईन सोसायटी, राजकमल सोसायटी सेक्टर-१० रोडपाली तलावाकडे जाणाऱ्या मार्गावर इतर वाहनांना प्रवेश बंद ठेवण्यात आला आहे. त्यासाठी देखील पर्यायी मार्ग ठेवण्यात आला आहे.
गणपती विसर्जनामुळे विविध ठिकाणच्या मार्गामध्ये काही प्रमाणात बदल केल्याने वाहनचालकांनी वाहतूकबदलांची नोंद घेऊन त्यानुसार आपली वाहने चालवून वाहतूक विभागाला सहकार्य करावे, असे आवाहन वाहतूक नियंत्रण विभागाचे पोलीस उपआयुक्त तिरुपती काकडे यांनी केले आहे.
जुन्या संसदेचं काय होणार? सगळ्यांनाच प्रश्न पडला; मोदी सरकारनं पुढचा प्लान सांगितला