[ad_1]
गुंड आणि राजकीय नेत्यांची भेट किंवा पक्ष प्रवेश हे महाराष्ट्रात समीकरण होताना दिसत आहे. त्यासोबत शिक्षणाची मायानगरी पुणे शहर हे गुन्हेगारीचं हब झालं आहे. पुण्यातील नामांकित गुन्हेगारांसोबत कोयता गॅंगचा जन्मही पुण्यातच झाला आहे. यातच पुण्यातले एकूण एक नामांकित गुन्हेगार हे वरिष्ठ नेते किंवा थेट मुख्यमंत्री-उपमुख्यमंत्री यांची भेट घेत आहेत. त्यामुळे गुन्हे करण्यांसाठी गुन्हेगारांना आणखीनच बळ मिळत आहे.
महाराष्ट्र टाइम्स ऑनलाईनवर बातमी प्रसिद्ध झाल्यानंतर ठाकरे गटाचे नेते खासदार संजय राऊत यांनी देखील ट्विट करून गृहमंत्री देवेंद्र फडणवीस यांना निशाण्यावर धरलं आहे.
काय आहे ट्विट?
मा. गृहमंत्री देवेंद्रजी
जय महाराष्ट्र!
महाराष्ट्रात गुंडांचे राज्य सुरू आहे. पोलिस स्टेशनमध्ये सत्ताधारी पक्षाचे आमदार गोळीबार करतात!
गुंडांचे इतके बळ का वाढले?
या परिस्थितीस जबाबदार कोण?
काल सरकारच्या बाळराजेचा वाढदिवस साजरा झाला. बाळराजांचे अभिष्टचिंतन करणारी ही वर्तुळातील व्यक्ती कोण याचा शोध घ्या?
मग राज्यातील गुंडशाही कोण पोसत आहे ते कळेल?
गुंड सरकारी आशीर्वादाने मोकाट आहेत!
कोण आहे हेमंत दाभेकर?
गुंड हेमंत दाभेकर हा किशोर मारणेच्या खून प्रकरणात शरद मोहळसोबत शिक्षा भोगत होता, त्याच्यावर खून, अपहरण, खंडणी, खुनाचा प्रयत्न असे गंभीर स्वरूपाचे गुन्हे दाखल आहेत.
कुख्यात गुंड हेमंत दाभेकरने घेतली मुख्यमंत्र्यांच्या लेकाची भेट, वर्षावर अभिष्टचिंतनाचा कार्यक्रम
युवासेना पश्चिम महाराष्ट्र निरीक्षक अनिकेत जावळकर यांनी काल वर्षा निवासस्थानी जाऊन खासदार श्रीकांत शिंदे यांची भेट घेतली होती, त्यांच्यासोबत पुण्यातील कुख्यात गुंड हेमंत दाभेकर देखील सोबत होता. भेट घेतल्याचा फोटो महाराष्ट्र टाइम्सच्या हाती लागला आणि याची बातमी प्रसिद्ध झाली. त्यानंतर राजकीय वर्तुळात मोठी खळबळ माजली. विरोधकांनी या बातमीची दखल घेतली. युवासेना कार्याध्यक्ष पूर्वेश सरनाईक यांनी युवासेना पश्चिम महाराष्ट्र निरीक्षक अनिकेत जावळकर याची पदावरून हकालपट्टी केली. काल रात्री घेतलेल्या भेटीची माहिती महाराष्ट्र टाईम्समध्ये प्रसिद्ध झाल्यानंतर आज सकाळी वर्षा निवासस्थानाहून पदाधिकाऱ्याच्या हकालपट्टीचे पत्र काढण्यात आले.
[ad_2]
Source link