[ad_1]
रवींद्र जडेजा, केएल राहुल आणि सूर्यकुमार यादव हे खेळाडू बेस्ट फिल्डरच्या मेडलसाठी दावेदार होते. पण या तिघांपैकी सूर्यकुमार यादवला बेस्ट फिल्डरच मेडल मिळालं. बीसीसीआयने आपल्या अधिकृत सोशल मीडिया हँडलवरून हा व्हिडिओ शेअर केला आहे. पण यावेळेस ग्राउंड्समॅनने विजेता घोषित केला. त्यांच्या हातात सूर्याचं नाव असलेला बोर्ड होता आणि एकेकाने त्याच्या नावाचे अक्षर दाखवत विजेता सूर्या असल्याचे घोषित केले. बेस्ट फिल्डरचा पुरस्कार मिळाल्यानंतर सूर्यकुमार यादवने ग्राउंड्समनसोबत फोटो काढल्याचे या व्हिडिओमध्ये पाहायला मिळत आहे.
भारतीय संघाला आता पुढील सामना उपांत्य फेरीत खेळायचा आहे. भारताशिवाय दक्षिण आफ्रिका, ऑस्ट्रेलिया आणि न्यूझीलंड हे संघ उपांत्य फेरीसाठी पात्र ठरले आहेत. भारत आणि न्यूझीलंड यांच्यात १५ नोव्हेंबर रोजी मुंबईतील वानखेडे स्टेडियमवर पहिला उपांत्य सामना होणार आहे. यानंतर दुसऱ्या उपांत्य फेरीत ऑस्ट्रेलिया आणि दक्षिण आफ्रिकेचे संघ आमनेसामने येतील. त्याचवेळी, या स्पर्धेचा अंतिम सामना १९ नोव्हेंबर रोजी अहमदाबादच्या नरेंद्र मोदी स्टेडियमवर खेळवला जाईल.
भारतीय संघ ९ सामन्यांत १८ गुणांसह गुणतालिकेत अव्वल स्थानावर आहे. यानंतर दक्षिण आफ्रिकेचा संघ दुसऱ्या, तर ऑस्ट्रेलिया तिसऱ्या स्थानावर आहे. दक्षिण आफ्रिका आणि ऑस्ट्रेलियाचे १४ गुण असले तरी चांगल्या नेट रनरेटमुळे दक्षिण आफ्रिका दुसऱ्या क्रमांकावर कायम आहे. यानंतर न्यूझीलंड १० गुणांसह उपांत्य फेरीसाठी पात्र ठरणारा चौथा संघ ठरला आहे.
[ad_2]
Source link