[ad_1]
मुंबईहून हा टँकर (एमएच ४३ बीटी ५९०२) गुरुवारी पहाटे ५.१५ वाजण्याच्या दरम्यान हा शहरात आला. तो सेव्हन हिल उड्डाणपुलावरून चिकलठाणा एमआयडीसीकडे जात असताना, उड्डाणपुलाच्या सुरुवातीच्या कठड्यावर हा टँकर आदळला. या धडकेनंतर टँकरच्या एका व्हॉल्व्हमधून गॅसची गळती सुरू झाली. पोलिसांच्या गुड मॉर्निंग पथकाला या घटनेची माहिती मिळाली. पथकाचे सहायक पोलिस निरीक्षक अमोल सातोदकर यांनी नियंत्रण कक्षाला या घटनेची माहिती दिली. काही नागरिकांनीही अग्निशमन विभागाला गळतीविषयी कळवले. त्यानंतर १५ मिनिटांत अग्निशमन दलाची गाडी घटनास्थळी पोहोचली. अग्निशमन दलाने टँकरचालक फिरदोस ताज महंमद (वय २२, रा. झारखंड) याला गाडीतून बाहेर काढले. घटनेचे गांभीर्य लक्षात घेऊन महापालिका आयुक्तांसह जिल्हाधिकारी; तसेच पोलिस आयुक्तांनाही त्याविषयी माहिती देण्यात आली. यानंतर तत्काळ या रस्त्यावरील वाहतूक बंद करण्यात आली. अग्निशामक दलाचे अधिकारी व कर्मचारी, विविध पोलिस ठाण्यांतील फौजफाटा घटनास्थळी पोहोचला. या काळात पाचशे मीटर परिसरातील नागरिकांना सुरक्षितस्थळी हलविण्यात आले. हिंदुस्थान पेट्रोलियमच्या तज्ज्ञांनी दिलेल्या माहितीनुसार, एक किलोमिटरच्या परिसरातून नागरिकांना हटविण्यात आले आहे. घटनेचे गांभीर्य ओळखून पोलिस आयुक्त मनोज लोहिया, महापालिका आयुक्त जी. श्रीकांत, प्रभारी जिल्हाधिकारी डॉ. अरविंद लोखंडे यांच्यासह पोलिस उपायुक्त नितीन बगाटे, अप्पर तहसीलदार विजय चव्हाण यांच्यासह अधिकारी घटनास्थळी पोहोचले.
Budget 2024: टॅक्स स्लॅब ‘जैसे थे’, तरीही मोदी सरकारची एक घोषणा कोट्यवधी लोकांच्या पथ्यावर, वाचा सविस्तर
टँकरमधुन होत असलेल्या गॅस गळतीमुळे या भागातील वातावरणात एलपीजी गॅसची दुर्गंधी पसरली होती. अग्निशामक दलाने या टँकरवर पाण्याचा मारा सुरूच ठेवला. दरम्यान, हिंदुस्थान पेट्रोलियमचे अधिकारीही घटनास्थळी आले. त्यांनीही घटनाची पाहणी केल्यानंतर जळगाव येथील ‘आरएसव्ही’ (स्पेशल रेस्क्यू वेहिकल) या विशेष गाडीला बोलावण्यात केले. या घटनेत गॅसची गळती होऊन स्फोट होण्याचा धोका होता. या घटनेमुळे तत्काळ आपत्कालीन व्यवस्थापनासाठी विशेष कक्ष तयार करण्यात आले. साधारणत: १३ तासांच्या अथक प्रयत्नांनंतर अपघातग्रस्त वाहन रिकामे करून त्याला सुरक्षितस्थळी नेण्यात आले. यानंतर सायंकाळी सात वाजण्याच्या दरम्यान रस्ता खुला करण्यात आला.
‘झिरो रिस्क’अंतर्गत मोहीम फत्ते
टँकरमधुन होत असलेल्या गळतीमुळे परिस्थिती तणावात होती. संबंधित अधिकाऱ्यांनी ‘झिरो रिस्क’ हे लक्ष्य ठेवले. जळगावहून हिंदुस्थान पेट्रोलियमची ‘आरएसव्ही’ आणण्यात आली. या वाहनाच्या माध्यमातून अपघातग्रस्त वाहनामधून हा गॅस दुसऱ्या टँकरमध्ये टाकण्यात आला. त्यानंतर रस्त्यावर पाणी मारून एका क्रेनच्या सहाय्याने अपघातग्रस्त वाहन सुरक्षितस्थळी सोडण्यात आले.
अग्निशमन अधिकारी-पोलिसांमध्ये वाद
अग्निशमन दलाचे अधिकारी सकाळपासून परिस्थिती हाताळत होते. सायंकाळी पाच वाजण्याच्या सुमारास परिस्थिती नियंत्रणात आणली असताना, या घटनेबाबत अग्निशमन अधिकारी शिवाजी झनझन यांनी पत्रकारांना घटनेची माहिती दिली. याबाबत हिंदुस्थान पेट्रोलियमच्या अधिकाऱ्यांनी आक्षेप घेतला. हिंदुस्थान पेट्रोलियमचे अधिकारी आक्षेप घेत असल्याने, पोलिसांनीही शिवाजी झनझन यांच्यावर आक्षेप घेतला. यावरून दोघांमध्ये चांगलेच वाद झाले.
सिडको उड्डाणपुलावर टँकरमधून गॅस गळती घटना घडली. अशा प्रसंगाला समोरे जाण्याची पहिलीच वेळ होती. सर्व विभागांनी समन्वय साधत काम केले. महापालिका अधिकारी व अग्निशामक विभाग, इतर विभागाच्या कर्मचाऱ्यांनी परिश्रम घेतले. त्यांच्या धाडसातून आणि सर्वांच्या समन्वयातून मोठे संकट टाळता आले. नागरिकांनीही सहकार्य मिळाले. अग्निशामक दल अधिक मजूबत करणार आहोत.
– जी. श्रीकांत, आयुक्त, महापालिका
गॅस गळतीची माहिती मिळताच, पोलिस यंत्रणा तत्परतेने कामाला लागली. सर्व पोलिस ठाण्याला सतर्क करण्यात आले होते. दुर्घटना मोठी होऊ शकत असल्याने, लोकांना स्थलांतरित करण्यात आले. पोलिस प्रशासन शेवटपर्यंत घटनेवर लक्ष ठेवून होते. नागरिकांनीही सहकार्य केले.
– मनोज लोहिया, पोलिस आयुक्त
अपघाताची माहिती समजताच, घटनेचे गांभीर्य ओळखून सर्व यंत्रणेशी समन्वय साधून उपाययोजना करण्यात आल्या. जिल्हा आपत्ती व्यवस्थापन टीमशी संपर्कात होतो. घटनेची गांभीर्य लक्षात घेऊन ‘एनडीआरएफ’च्याही पथकाला पाचारण करण्यात आले. तज्ज्ञांशी सल्लामसलत करून परिस्थिती हाताळण्यात आली. यामुळे कोणत्याही प्रकारची दुर्घटना टाळता आली आणि परिसर सुरक्षित राहिला.
– डॉ. अरविंद लोखंडे, प्रभारी जिल्हाधिकारी
मुंबई काँग्रेसला आणखी एक धक्का बसणार, आमदार झीशान सिद्दिकी वडिलांसह राष्ट्रवादीच्या अजित पवार गटात जाणार?[ad_2]
Source link