परभणी: समाजमाध्यमावर झालेली ओळख, त्यानंतर लग्नाचे अमिष दाखवत एका २२ वर्षीय तरुणीवर अत्याचार करण्यात आला. या प्रकरणी ३० जानेवारी रोजी पीडित तरुणीच्या तक्रारीवरुन आरोपी युवकावर नानलपेठ पोलीस ठाण्यात गुन्हा दाखल करण्यात आला आहे. आरोपी युवकाचे नाव अनिकेत अग्रवाल असे आहे. दरम्यान पीडित तरुणीने आरोपीच्या घरी जाऊन गोंधळ घातल्या प्रकरणी तरुणीवरही गुन्हा दाखल करण्यात आला आहे.
नांदेड जिल्हा ऑनर किलिंगनं हादरला, लेकीला संपवून आत्महत्येचा बनाव, डॉक्टरांना एक संशय अन् सत्य समोर
पीडित तरुणीने दिलेल्या तक्रारीनुसार, जवळपास वर्षभरापूर्वी तरुणीची ओळख आरोपीसोबत वसमत रोडवरील एका कॉफी शॉपमध्ये झाली होती. त्यानंतर आरोपीने समाजमाध्यमावरुन तरुणीला मॅसेज पाठविले. दोघांमध्ये संभाषण सुरु झाले. याच दरम्यान तरुणाने पीडितेला भेटण्यास बोलाविले. जून २०२३ मध्ये जिंतूर रोडवरील एका लॉजवर बोलावून तरुणीला लग्नाचे अमिष दाखवत बळजबरीने अत्याचार केला. त्यानंतर वसमत रोडवरील एका कॉफीशॉपमध्ये बोलावून या ठिकाणी देखील बळजबरीने संबध ठेवले.

हा प्रकार जून २०२३ ते जानेवारी २०२४ या दरम्यान घडला. तुझ्यावर प्रेम आहे, तुझ्यासोबत लग्न करतो, असे म्हणत लग्नाचे अमिष दाखवून बळजबरीने अत्याचार करण्यात आला. पीडित तरुणीने दिलेल्या तक्रारीवरुन अनिकेत अग्रवाल याच्यावर गुन्हा दाखल करण्यात आला आहे. अत्याचार प्रकरणातील पीडित तरुणीने २७ जानेवारी रोजी दुपारी १ च्या सुमारास अश्लिल भाषेत शिवीगाळ करत तरुणाला मारहाण केली. यानंतर या प्रकरणाची तक्रार नानलपेठ पोलीस ठाण्यात देण्यात आली आहे. या प्रकरणात एका ४७ वर्षीय महिलेने पोलिसात तक्रार दिली आहे.

सरकारची सुपारी घेऊन बोलणं तुमच्यासारख्यांना शोभत नाही, मनोज जरांगे यांचा राज ठाकरेंवर पलटवार

अचानक तरुणीने घरात घुसून हुज्जत घालत मारहाण करुन शिवीगाळ केल्याची तक्रार देण्यात आली. या प्रकरणी तरुणीवर गुन्हा नोंद झाला आहे. दुसरीकडे परभणी शहरात कॉफीशॉपचे पेव फुटले आहे. कॉफीशॉपच्या आडमध्ये अश्लिल प्रकार होत आहेत. काही महिन्यापूर्वी देशमुख हॉटेल येथील लोकप्रतिनिधींनी असा प्रकार उघड केला होता. आता नानलपेठ पोलीस ठाण्यात दाखल झालेल्या अत्याचाराच्या गुन्ह्यात घटनास्थळामध्ये लॉजबरोबर वसमत रोडवरील एका कॉफीशॉपचा देखील समावेश असल्याचे पुढे आले आहे.



Source link

Leave a Reply

Your email address will not be published. Required fields are marked *