वॉशिंग्टन : अमेरिकेनं जॉर्डनमधील हल्ल्याचं प्रत्युत्तर म्हणून सीरिया आणि इराकमधील ८५ ठिकाणांवर हल्ले केले आहेत. अमेरिकेच्या एअरस्ट्राइकमध्ये १८ दहशतवाद्यांचा मृत्यू झाला आहे. अमेरिकेच्या सैन्यानं याबाबत माहिती दिली. शुक्रवारी इराक आणि सीरीयामध्ये इराण रिवॉल्युशनरी गार्ड आणि त्यांच्या समर्थक मिलिशियाशी संबंधित ८५ ठिकाणांवर हल्ले केले. अमेरिकी सैन्यानं कुर्दीश सैन्याला निशाणा बनवलं.

जॉर्डनमध्ये नुकताच एक भीषण हल्ला झाला होता. त्यामध्ये तीन अमेरिकेचे सैनिक मारले गेले होते आणि ४० हून अधिक जण जखमी झाले होते. अमेरिकेच्या सैन्यानं दिलेल्या माहितीनुसार शुक्रवारी रात्री इराक आणि सीरियातील इराणच्या रिवॉल्युशनरी गार्ड आणि समर्थक मिलिशियाच्या ८५ ठिकाणांवर हल्ले करत प्रत्युत्तर दिलं आहे. अमेरिकेनं इराणमध्ये कोणत्याही ठिकाणावर हल्ले केलेले नाहीत.

अमेरिकेच्या सैन्यानं म्हटलं की त्यांनी कमांड कंट्रोल सेंटर, रॉकेट, मिसाइल, ड्रोन साठा आणि दारुगोळा असलेल्या ठिकाणांवर एअर स्ट्राइक केले आहेत. सीरियातील चार आणि इराकमधील तीन भागांमधील ८५ ठिकाणांवर एअरस्ट्राइक करण्यात आला. अमेरिकन सैन्यानं कुर्दीश सैन्यावर हल्ला केला.
उल्हासनगर पोलीस ठाण्यातील गोळीबार प्रकरणात भाजप आमदार गणपत गायकवाड यांना अटक, वाद नेमका कशातून सुरु झाला?
रॉयटर्सच्या दाव्यानुसार एअरस्ट्राइकसाठी बी-१ चा वापर करण्यात आला. यामध्ये सीरियात इराण समर्थक १८ दहशतवाद्यांचा मृत्यू झाल्याची माहिती आहे.

इराक आणि सीरियातील एअरस्ट्राइकची माहिती देत राष्ट्रपती जो बायडन यांनी रविवारी जॉर्डनमध्ये आयआरजीसीकडून तीन अमेरिकेच्या सैन्याची हत्याक करण्यात होती, असं म्हटलं. डोवर एअर फोर्स बेस मधील अमेरिकेच्या बहादूर सैनिकांना श्रद्धांजली बायडन यांनी वाहिली. त्या सैनिकांच्या कुटुंबीयांसोबत बायडन यांनी चर्चा केली.
भाजपकडून माजी मुख्यमंत्र्यांच्या घरवापसीनंतर माजी उपमुख्यमंत्र्यांना ऑफर, काँग्रेसमध्ये गेलेला नेता म्हणाला…
बायडन म्हणाले की त्यांच्या आदेशानं अमेरिकन सैन्यानं इराक आणि सीरियात एअरस्ट्राइक केला. आयआरजीसी आणि मिलिशियाकडून त्या ठिकाणांवरुन अमेरिकन सैन्यावर हल्ले केले जातात, त्या ठिकाणांवर एअरस्ट्राइक करण्यात आला. अमेरिकेला मध्य पूर्व किंवा जगभरात संघर्ष नकोय मात्र अमेरिकन व्यक्तींचं नुकसान केलं गेलं, हल्ले केले तर त्यांना उत्तर देऊ हे लक्षात ठेवा, असं बायडन म्हणाले.

सीरियाच्या सरकारी माध्यमांच्या वृत्तानुसार वाळंवाटी भागात सीरिया आणि इराकच्या सीमेवरील ठिकाणांवर अमेरिकेनं एअरस्ट्राइक केला. त्यात अनेक जण जखमी झालेत.
हवालामार्फत चालायचं फंडिंग; ISIS प्रकरणात नाशिकच्या संशयिताला ६ दिवस कोठडी, काय आहे प्रकरण?
Read Latest Maharashtra News And Marathi News



Source link

Leave a Reply

Your email address will not be published. Required fields are marked *