[ad_1]
रामटेक लोकसभा मतदारसंघाची निवडणूक रंजक
नागपूर लोकसभा मतदारसंघासाठी काँग्रेसने श्यामकुमार बर्वे यांना उमेदवारी दिली आहे. महायुतीच्या वतीने एकनाथ शिंदे यांच्या शिवसेनेकडून राजू पारवे निवडणुकीच्या मैदानात आहेत. यासोबतच काँग्रेसकडून तिकीट न मिळाल्याने गजभिये अपक्ष म्हणून रिंगणात उतरले आहेत. साधारणत: या जागेवर मुख्य लढत महायुती आणि महाविकास आघाडी यांच्यात होती. मात्र गजभिये यांच्या आगमनाने ही स्पर्धा तिरंगी आणि रंजक बनली आहे.
महायुती बैठकस्थळी उदयनराजे शेतकरी वेशात, पण चर्चेला दांडी; म्हणतात, निदान डोळा तरी मारा…
गेल्या लोकसभा निवडणुकीत गजभिये हे रामटेकमधून काँग्रेसचे उमेदवार होते. यापूर्वी त्यांनी उत्तर नागपूर विधानसभा मतदारसंघातून बसपकडून हत्तीच्या चिन्हावर निवडणूक लढवली होती. २०१९ मध्ये त्यांना माजी मंत्री सुनील केदार यांनी रामटेकमध्ये विरोध केला होता. यावेळीही केदार यांनी गजभियेंच्या नावाला विरोध केला होता. त्यानंतर रामटेकमध्ये रश्मी बर्वे यांना काँग्रेसकडून उमेदवारी देण्यात आली, त्यामुळे गजभिये यांनी बंडखोरी केली. मात्र रश्मी बर्वे यांची जात वैधता रद्द झाल्याने, त्यांचे पती श्याम बर्वे यांना उमेदवार बनवण्यात आले.भावना गवळींच्या मतदारसंघात बदलांचे वारे, वंचितनेही जाहीर केलेला उमेदवार फिरवला
दुसरीकडे, शंकर चहांदे यांनी कौटुंबिक कारणामुळे पक्षाकडून निवडणूक लढविण्यास असमर्थता व्यक्त केली. त्यामुळे आम्ही किशोर गजभिये यांना पाठिंबा दिल्याची घोषणा वंचित बहुजन आघाडीचे प्रदेश उपाध्यक्ष अनिल अण्णा जाधव यांनी केली.
Read Latest Maharashtra News Updates And Marathi News
विशेष म्हणजे उमेदवारी अर्ज भरण्यापूर्वी वंचितने किशोर गजभिये यांच्या नावाची घोषणा केली होती. मात्र यानंतर चहांदे यांना अधिकृत उमेदवार घोषित करण्यात आले. गजभिये हे काँग्रेसचे प्रदेश उपाध्यक्ष होते. दोनच दिवसांपूर्वी त्यांनी काँग्रेसचा राजीनामा दिला. ते उमेदवारी मागे घेतील, अशी अपेक्षा होती. अनुसूचित जातीसाठी राखीव असलेल्या रामटेक विधानसभा मतदारसंघात वंचितांच्या पाठिंब्यामुळे काँग्रेसचे उमेदवार श्यामकुमार बर्वे यांच्या अडचणी वाढण्याची शक्यता आहे.
[ad_2]
Source link