[ad_1]
म. टा. प्रतिनिधी, मुंबई : मुंबईकरांचा प्रवास आरामदायी आणि वातानुकूलित करण्यासाठी २३८ वंदे मेट्रो (उपनगरी) गाड्यांची बांधणी करण्याची प्रक्रिया मुंबई रेल्वे विकास महामंडळाने सुरू केली. मात्र कोणतेही ठोस कारण न सांगता वंदे मेट्रो बांधणीची आंतरराष्ट्रीय निविदा रेल्वे मंत्रालयाकडून स्थगित करण्यात आली. स्थगितीला पंधरवडा उलटल्यानंतरदेखील अद्याप रेल्वेगाड्या बांधणीच्या हालचाली नसल्याने वंदे मेट्रो (उपनगरी) गेली कुठे, असा प्रश्न मुंबईकरांमधून उपस्थित करण्यात येत आहे.
यंदाच्या केंद्रीय अर्थसंकल्पात वंदे मेट्रो या संकल्पना सर्वप्रथम मांडण्यात आली. शंभर ते सव्वाशे किलोमीटर अंतरासाठी शहरांतर्गत सार्वजनिक प्रवासी वाहतुकीसाठी वंदे मेट्रोची बांधणी करण्याच्या सूचना देण्यात आल्या होत्या. मुंबई रेल्वे विकास महामंडळाच्या एमयूटीपी ३ आणि ३ अ या प्रकल्पसंचातील एकूण २३८ एसी लोकलची बांधणी प्रस्तावित होती. यात बदल करून रेल्वे मंत्रालयाने महामुंबईसाठी वंदे मेट्रो (उपनगरी) बांधण्याच्या सूचना दिल्या. वंदे मेट्रोनुसार वैशिष्ट्य निश्चित करून आंतरराष्ट्रीय स्तरावर निविदा प्रक्रिया सुरू झाली आहे.
यंदाच्या केंद्रीय अर्थसंकल्पात वंदे मेट्रो या संकल्पना सर्वप्रथम मांडण्यात आली. शंभर ते सव्वाशे किलोमीटर अंतरासाठी शहरांतर्गत सार्वजनिक प्रवासी वाहतुकीसाठी वंदे मेट्रोची बांधणी करण्याच्या सूचना देण्यात आल्या होत्या. मुंबई रेल्वे विकास महामंडळाच्या एमयूटीपी ३ आणि ३ अ या प्रकल्पसंचातील एकूण २३८ एसी लोकलची बांधणी प्रस्तावित होती. यात बदल करून रेल्वे मंत्रालयाने महामुंबईसाठी वंदे मेट्रो (उपनगरी) बांधण्याच्या सूचना दिल्या. वंदे मेट्रोनुसार वैशिष्ट्य निश्चित करून आंतरराष्ट्रीय स्तरावर निविदा प्रक्रिया सुरू झाली आहे.
मुंबई रेल्वे विकास महामंडळाकडून निविदा प्रक्रियेबाबत संपूर्ण तयारी पूर्ण आहे. आम्हाला केवळ आदेशाची प्रतीक्षा आहे. रेल्वे मंडळाचे आदेश मिळताच पुन्हा निविदा प्रक्रिया सुरू करण्यात येणार आहे, असे वरिष्ठ रेल्वे अधिकाऱ्यांनी स्पष्ट केले. बारा आणि पंधरा डब्यांच्या वंदे भारत उपनगरी रेल्वेगाडीसाठी एकूण दोन हजार ८५६ डबे बांधण्याचे नियोजन आहे. १२ डब्यांच्या वंदे मेट्रोसाठी ९० कोटी अपेक्षित खर्च निश्चित करण्यात आला आहे.
२०२६मध्ये वंदे मेट्रोचा पहिला ५० गाड्यांचा टप्पा मुंबईत प्रवासी सेवेसाठी दाखल करण्याचे नियोजन होते. मात्र रेल्वे मंत्रालयाने कोणतेही कारण न देता वंदे मेट्रो उपनगरी गाड्यांच्या बांधणीच्या निविदेला स्थगिती दिल्याने वंदे मेट्रो गेली कुठे, असा प्रश्न सर्वसामान्यांमध्ये उपस्थित होत आहे.
[ad_2]
Source link