[ad_1]
निखिल वागळेंवर हल्ला करणाऱ्या गुंडांची परेड का काढली नाही – संजय राऊत
पुण्यात निखिल वागळे, असीम सरोदे, विश्वंभर चौधरी यांच्यावर हल्ला झाला. पुण्यातील जे पोलिस आयुक्त आहेत, त्यांनी जेव्हा चार्ज घेतला तेव्हा त्यांनी सर्व गुंडांची परेड काढली आणि एक मोठा शो केला. मग ज्या गुंडांनी निखिल वागळेंवर हल्ला केला त्यांची परेड का काढली नाही, असा सवाल संजय राऊतांनी विचारला. हे कोण गुंड आहेत, कुठल्या पक्षाचे आहेत. घाबरले का तुम्ही. परेड तर त्यांची व्हायला हवी होती. त्या गुंडांचं काय झालं. मुख्यमंत्री आणि गृहमंत्री त्या गुंडांचं समर्थन करत आहेत, असंही संजय राऊत म्हणाले.
नाटकं बंद करा, हल्ला करणाऱ्यांची परेड काढा – संजय राऊत
तुमच्यावर राजकीय दबाव आहे का, ही नाटकं बंद करा. ज्यांनी निखिल वागळे, असीम सरोदे, विश्वंभर चौधरी यांच्यावर हल्ला त्यांचीही परेड काढा, त्यांच्या हातात बेड्या घालून त्यांना पुण्याच्या रस्त्यावरुन फिरवा, तर तुम्ही पोलिस आयुक्त नाहीतर तुम्ही भाजप कार्यकर्ते, असं म्हणत संजय राऊतांनी थेट पोलिस आयुक्तांना ऐकवलं. संपूर्ण महाराष्ट्रात या गुंडगिरीविरोधात कुठल्याप्रकारचं आंदोलन करता येईल यावर आम्ही चर्चा करत आहोत. या गुंडगिरीविरोधात आम्ही आवाज उठवणार. आम्ही रस्त्यावर उतरु, जनता शांत बसणार नाही, असा इशाराही संजय राऊतांनी दिला.
[ad_2]
Source link