[ad_1]
काँग्रेस नेते बाळासाहेब थोरात यांच्या वाढदिवसाच्या निमित्ताने अमोल कोल्हे यांची भूमिका असलेल्या शिवपुत्र संभाजी या महानाट्याचं आयोजन संगमनेर शहरात करण्यात आलं. या सोहळ्याला थोरात व तांबे कुटुंबियांबरोबर पुण्याचे आमदार रवींद्र धंगेकर हे देखील उपस्थित होते. तर भाजपचे युवा नेते विवेक कोल्हे यांनी देखील निवासस्थानी भेट देत बाळासाहेबांना शुभेच्छा दिल्याने अनेकांच्या भुवया उंचावल्या. निवासस्थानासमोर झालेल्या या सोहळ्यात बाळासाहेब थोरात यांच्या पत्नी कांचन थोरात यांनी मनोगत व्यक्त करताना बाळासाहेबांची स्वभाव वैशिष्ट्ये उपस्थितांना उलगडून दाखवली.
मी फक्त साहेबांचा पाय बघितला आणि लग्नाला होकार दिला
साहेब आता ७० वर्षांचे होताय.. मी त्यांच्या पेक्षा ७ वर्षांनी लहान… साहेब जेव्हा मला पाहायला आले तेव्हा मी त्यांचे पाय पाहूनच त्यांना पसंत केले.. त्यांनी माझा चेहरा पाहिला असेल मात्र मी फक्त पायच पाहू शकले.. आमचा योगायोग होता म्हणून लग्न जमलं.. लग्नानंतर वीस वर्ष कधी पिक्चर व नाटकाला सुद्धा नेलं नाही.. रोज फक्त पावणेरावळे हेच करत आले.. साहेबांनी मला अमेरिका, दुबई खूप फिरवलं मात्र ते ३० वर्षानंतर…साहेबांना वेळच नव्हता.. रोज राजकारण… घरी लोकांचा राबता असायचा… घरात आले की चेहरा पडलेला दिसायचा मात्र कार्यकर्ते घरी आले की त्यांच्याशी दीड दीड तास गप्पा मारायचे. फक्त आपल्या समोर आले की मी थकलो, झोप येतेय हे सुरू व्हायचं…मी जे बोलतेय ते मनातलं आहे-पाठांतर केलेलं नाही.. मला कुटुंबाने खूप साथ दिली.. नंतर मी मैत्रिणींचा ग्रुप बनवला. त्यांनी खूप साथ दिली. त्यामुळे आता मला काय साहेबांची आठवण येत नाही.
थोरातही बोलता बोलता बरंच बोलून गेले!
माझं राजकरण- माझं काम सगळ्यांना माहिती आहे.. मात्र सौभाग्यवती कांचनने अनेक किस्से सांगितले.. मी आधी जोर्वे गावात राहायचो.. वडील आमदार असताना मी वकील झालो.. त्यावेळी लग्नाचा विषय आला.. मी विचार केला की आपल्याकडे रोजच इतके पाहुणे कार्यकर्ते येतात.. इथं कोण टिकलं..? मी महाविद्यालयात असताना मला तिथेच पाहुणे पाहायला आले. एका व्यापाऱ्याने त्यावेळी सांगितलं की चांगला मुलगा आहे.. वकील आहे… गोरा गोमटा आहे.. मी कांचनला पाहायला गेलो.. तिथे त्यांचं घर व मोठं कुटुंब सदस्य पाहूनच ठरवलं हे आपल्याकडे बरोबर जमेल..
ज्या राजकारण्यांना गुंड भेटले, त्यांची परेड कधी घेणार? पुणे पोलिसांच्या झाडाझडतीवर वडेट्टीवारांचा सवाल
माझा निर्णय अचूक ठरला..त्यामुळे कटकट नावाचा प्रकार आजपर्यंत नाही.. तुमचं तुम्हाला माहिती असेल.. अनेकांच्या घरात रोज सुरू असतं. नवरा बिचारा काम करून येतो आणि घरी आले का बायको म्हणते आले का फिरून… तो दमून आलेला असतो आणि असा प्रश्न येतो जसा तो बागेत फिरायला गेलेला असतो.. असा काही त्रास मला झाला नाही.. माझा निर्णय बिनचूक ठरला हे आज कळतंय… अशा शब्दात पत्नीचं आपल्या आयुष्यातील स्थान सांगताना बाळासाहेब थोरात यांनी फटकेबाजी केली.
भाच्याकडून हास्यविनोदाचा शेवट
जिजींनी (कांचन थोरात) आज चान्स घेतला.. यासाठी आबा म्हणत होते माईक देऊ नका.. मात्र आज त्यांनी ठरवलं होतं काय व्हायचं ते होईल..आजच्या कार्यक्रमात रंगत आणण्याचं खरं काम जिजींनी केलं, असं म्हणत सरतेशेवटी आभार प्रदर्शनाचं काम आमदार सत्यजीत तांबे यांनी केलं.
[ad_2]
Source link