[ad_1]
बाबा सिद्दीकी यांना मोठं घबाड मिळत असेल आणि त्यांनी केलेल्या पापातून, चौकशीतून मुक्तता मिळत असेल तर चांगलं आहे, असं म्हणत काँग्रेस नेते विजय वडेट्टीवार यांनी सिद्दीकींच्या राजीनाम्यावर आपली प्रतिक्रिया दिली.
बाबा सिद्दीकी यांची संपत्ती किती?
फेसर्स लाइव्ह मधील रिपोर्टनुसार, बाबा सिद्दीकी यांची एकूण संपत्ती सुमारे ७.२ दशलक्ष डॉलर म्हणजेच ५९ कोटी ७५ लाख ३६ हजार ६४० रुपये इतकी असल्याची माहिती आहे. मात्र, त्यांची नेमकी कमाई किती आहे, याची माहिती मिळू शकलेली नाही. बाबा सिद्दीकी यांचे मनोरंजन क्षेत्रातील कलाकारांशी चांगले संबंध आहेत. ते दरवर्षी रमजानमध्ये एक मोठी इफ्तार पार्टी आयोजित करतात ज्यामध्ये राजकारणी तसेच मोठ्या आणि छोट्या पडद्यावरील सेलिब्रिटी देखील हजेरी लावतात.
बाबा सिद्दीकी हे २०१७ पासून तपास यंत्रणांच्या रडारवर आहेत. २०१७ च्या मे महिन्यात झोपडपट्टी पुनर्वसन प्राधिकरण (SRA) घोटाळ्याप्रकरणी इडीने सिद्दीकी यांची चौकशी केली होती. तसेच, २०१८ मनी लॉन्ड्रिंगप्रकरणात इडीने त्यांच्या तब्बल ४६२ कोटींच्या संपत्तीवर टाच आणली होती.
सिद्दीकांच्या इफ्तार पार्टीला शाहरुख-सलमानची हजेरी
बाबा सिद्दीकी यांची इफ्तार पार्टी दरवर्षी चर्चेत असते. त्यांच्या इफ्तार पार्टीला फक्त बॉलिवूड नाही तर टीव्ही स्टारही हजेरी लावतात. सलमान खान, शाहरुख खान सारखे मोठमोठे सेलिब्रिटी त्यांच्या इफ्तार पार्टीला येत असतात.
Baba Siddique : बापाचा राजीनामा, मुलाचं पाऊल कुठे पडतं बघावं लागेल, बाबा सिद्दीकी यांच्या एक्झिटवर विजय वडेट्टीवार सडेतोड
कोण आहेत बाबा सिद्दीकी?
बाबा सिद्दीकी हे वांद्रे पश्चिम मतदारसंघातून तीन वेळा आमदार झाले आहेत. ते अन्न आणि नागरी पुरवठा राज्यमंत्री तसेच महाराष्ट्र गृहनिर्माण आणि क्षेत्र विकास प्राधिकरणाच्या मुंबई विभागाचे अध्यक्ष होते. बाबा सिद्दीकी हे कॉलेजच्या काळापासूनच राजकारणात सक्रिय आहे. त्यांनी मुंबईच्या एमएमके कॉलेजमधून शिक्षण घेतलं. त्यांनी राजकारणाची सुरुवात ही विद्यार्थी नेता म्हणून केली आणि प्रथमच ते बृहन्मुंबई महानगरपालिकेत (BMC) नगरसेवक म्हणून निवडून आले. पुढे ते १९९९, २००४ आणि २००९ मध्ये वांद्रे पश्चिम मतदारसंघातून महाराष्ट्र विधानसभेवर निवडून आले. २०१४ च्या विधानसभा निवडणुकीत बाबा सिद्दीकी यांचा मुंबई भाजप अध्यक्ष आशिष शेलार यांनी पराभव केला होता.
[ad_2]
Source link