[ad_1]
बुलढाणा जिल्ह्यातील सिंदखेडराजा तालुक्यातील वर्दडी बु येथील २३ वर्षीय तरुणाने गळफास घेऊन जीवनयात्रा संपवली. गोठ्यातील लोखंडी अँगलला तरुणाने गळफास घेतला. अशोक कलाजी लिपने असे आत्महत्या करणाऱ्या तरुणाचं नाव आहे.
बॉयफ्रेण्डची हत्या, सुटकेसमध्ये टाकून समुद्रात फेकले, मग तरुणाची मित्रांसोबत पार्टी, पण…
सिंदखेडराजातील वर्दडी बु सोनोशी रस्त्यावर अशोकचा गोठा आहे. अशोकचे वडील कलाजी लिपने यांनी ८ ऑगस्टच्या रात्री कुटुंबासोबत जेवण केले. त्यानंतर साडेनऊच्या सुमारास बैलांना चारा टाकण्यासाठी ते गोठ्यावर गेले. यावेळी समोरील दृश्य पाहून त्यांना हादराच बसला. त्यांचा मुलगा अशोक गोठ्यातील अँगलला गळफास घेतलेल्या अवस्थेत त्यांना दिसून आला.
मुलाला त्या अवस्थेत बघितल्याने त्यांनी हंबरडा फोडला. त्यांच्या रडण्याच्या आवाज ऐकून अशोक दहातोंडे, नंदलाल आटोळे, विनायक काकडे, संजय लिपने यांनी गोठ्याकडे धाव घेतली. अशोकच्या गळ्यातील दोर सोडून त्याला खाली उतरविण्यात आले. त्यानंतर तात्काळ रुग्णवाहीकेतून सिंदखेडराजा येथील ग्रामीण रुग्णालयात दाखल केले. मात्र, डॉक्टरांनी अशोकला मृत घोषित केले.
याप्रकरणी किनगाव राजा पोलिस ठाण्यात फिर्याद दाखल करण्यात आली आहे. अशोकने आत्महत्या का केली? हे मात्र अद्याप समोर आलेलं नाही. अशोकच्या आत्महत्येच्या कारणांचा शोध पोलिस घेणार आहेत. प्रकरणाचा तपास ठाणेदार वाघमारे यांच्या मार्गदर्शनात पोलिस अंमलदार शरद ठोंबरे, रमेश गोरे, सलिम परसुवाले, सुभाष गिते हे करीत आहेत.
पायलट बाप दारु ढोसत होता, ११ वर्षांच्या पोराकडे विमानाची कमान, क्षणात होत्याचं नव्हतं, VIDEO समोर
[ad_2]
Source link