मुंबई : जगभरात सोने आणि चांदीच्या भावात मोठ्या प्रमाणात चढ-उतार होत असताना आज आज देशांतर्गत बाजारात सोन्याचे भाव पुन्हा एकदा वाढले, तर चांदीची चमकही वाढल्याचे दिसून आलं असून जागतिक बाजारातही सराफा बाजारात किमतीत संमिश्र कल दिसून येत आहे. भारतीय सोने आणि सोन्याचे दागिने खरेदी करणे खूप शुभ मानले जाते. याशिवाय गुंतवणुकीसाठी चांगला आणि सुरक्षित पर्याय मानला असल्याने दररोज मागणी-पुरवठा आणि जागतिक घडामोडींमुळे सोने आणि चांदीच्या दरात चढ-उतार होतात. अशा परिस्थितीत, सोने किंवा चांदी खरेदी करण्यापूर्वी त्याचे नवीन दर तपासले पाहिजेत.

SGB: सोन्यात गुंतवणूक करणाऱ्यांसाठी आनंदाची बातमी; पुन्हा एकदा स्वस्त सोने खरेदी करण्याची संधी
सोन्या-चांदीचे आजचे दर काय
भारतीय वायदे बाजारात गुरुवारी सोन्याच्या किमतीत किंचित वाढ नोंदवली गेली आहे. मल्टी कमोडिटी एक्सचेंज (MCX) वर एप्रिल सोन्याचे वायदे ३५६ रुपये किंवा ०.५७% वाढून ६३,०९१ रुपये प्रति १० ग्रॅमवर पोहोचले. तर मागील सत्रात एप्रिल सोन्याचा दर ६२,७३५ रुपये प्रति ग्रॅमवर स्थिरावला होता. त्याचप्रमाणे जून २०२४ सोन्याचे फ्युचर्स ४२७ रुपये म्हणजे ०.६८% वाढले आणि ६३,५४० रुपये प्रति १० ग्रॅमवर उसळले.

दुसरीकडे, MCX वर मार्च चांदीचा वायदा ७० रुपये किंवा ०.१% घसरणीसह ७२,३१७ रुपये प्रति किलोवर पोहोचली तर मागील सत्रात मार्च चांदीचा वायदा भाव ७२,२४७ रुपये प्रति किलो होता. त्याचप्रमाणे, मे चांदीचे फ्युचर्स १४ रुपये किंवा ०.०२% किंचित वाढीसह ७३,४७३ रुपये प्रति किलोच्या पातळीवर व्यवहार करत आहे.
जागतिक बाजारात सोन्या-चांदीचा भाव
भारतीय सराफा बाजाराप्रमाणेच जागतिक मार्केटमध्येही सोने आणि चांदी या दोन्ही मौल्यवान धातूची मागणी वाढल्यामुळे दरांमध्ये वाढ नोंदवली गेली आहे. कॉमेक्सवर, फेब्रुवारी सोन्याचे वायदे ०.७०% वाढीसह २,०५१.४० डॉलर प्रति औंसवर पोहोचले असताना कॉमेक्सवर चांदी ०.०६०% घसरून २२.३०० डॉलर प्रति औंस पातळीवर व्यवहार करत आहे.

या कारणांमुळे टर्म इन्श्युरन्सचा दावा फेटाळला जातो, नाही मिळत एकही पैसा; वाचा काय घ्यावी काळजी
विशेष म्हणजे गेल्या वर्षभरात सोन्या आणि चांदीने विक्रमी दरवाढ नोंदवलेली. सोन्याचे वायदे ६३,००० रुपयांवर तर चांदीचा भाव ६८,००० प्रति किलोवर वधारला होता. याशिवाय, आगामी काळात २४ कॅरेट सोन्याची किंमत ७० हजार तर चांदीचा भाव ८२,००० रुपयांवर पोहोचण्याचा अंदाज आहे. त्यामुळे तुम्ही मौल्यवान धातू खरेदीचा विचार करत असाल तर आत्ताची संधी सोडू नका.

Read Latest Business News



Source link

Leave a Reply

Your email address will not be published. Required fields are marked *