[ad_1]
या सर्व्हेमध्ये ३५ ते ३८ हजार लोकांच्या मतांचा विचार करण्यात आला आहे. हा सर्व्हे १५ डिसेंबर २०२३ ते २८ जानेवारी २०२४ या काळात लोकसभेच्या ५४३ जागांवर करण्यात आला होता. लोकसभेच्या सर्वाधिक जागा असलेल्या उत्तर प्रदेशमधून दिल्लीच्या सत्तेचा मार्ग जातो. अशा महत्त्वाच्या राज्यात भाजपला ७० जागा मिळतील असा अंदाज वर्तवण्यात आलाय.
उत्तर प्रदेश- ८० जागा
राज्यात मतांच्या टक्केवारीचा विचार करता भाजपच्या मतांची टक्केवारी ४९ टक्क्यांवरून ५२ टक्क्यांवर जाऊ शकते.उत्तर प्रदेशमध्ये भाजपला यावेळी ७० जागा मिळतील असा अंदाज आहे. गेल्यावेळी ही संख्या ६२ इतकी होती. काँग्रेसला १ तर सपाला ७ जागा मिळण्याचा अंदाज आहे. मायावती यांच्या बसपाला यावेळी देखील एकही जागा मिळण्याची शक्यता नाही. अनुप्रिया पटील यांच्या अपना दलला २ जागा मिळू शकतात.
भाजप- ७० (५० टक्के मते) २०१९मधील जागा ६२
अपना दल- २ जागा (२ टक्के मते) २०१९मधील जागा २
काँग्रेस- १ जागा (६ टक्के मते) २०१९ मधील जागा ०१
समाजवादी पार्टी- ०७ जागा (३० टक्के मते) २०१९ मधील जागा १५
अन्य- ०० (१२ टक्के मते) २०१९ मधील जागा ००
महाराष्ट्र- ४८ जागा
२०१९च्या तुलनेत यावेळी महाराष्ट्रात होणारी निवडणूक वेगळी असेल. भाजप, शिंदे, अजित पवार यांची लढत काँग्रेस, शरद पवार, उद्धव ठाकरे यांच्या महाविकास आघाडीविरुद्ध होणार आहे. राज्यात आज निवडणुका झाल्यास त्याचा फायदा महाविकास आघाडीला होईल असा अंदाज सर्व्हेत व्यक्त करण्यात आला आहे. महाविकास आघाडीला २६ तर भाजप आघाडीला २२ जागा मिळतील असा अंदाज आहे. महाविकास आघाडीत काँग्रेसला १२ तर शरद पवार आणि उद्धव ठाकरे यांना १४ जागा मिळतील.
भाजप आघाडी- २२
महाविकास आघाडी- २६ (काँग्रेस-१२, पवार+ठाकरे- १४)
पश्चिम बंगाल- ४२ जागा
तृणमूल काँग्रेस- २२
भाजप आघाडी- ०९
काँग्रेस- ०१
गुजरात- २६ जागा
मोदी-शहा यांचे होम ग्राऊंड असलेल्या गुजरातमध्ये यावेळी देखील भाजप क्लीन स्वीप करणार असल्याचा अंदाज आहे. राज्यातील २६ पैकी २६ जागा भाजपला मिळतील. मतांच्या टक्केवारीत भाजपला ६२.१ टक्के तर काँग्रेसला २६.४ टक्के जागा मिळतील. अन्य छोट्या पक्षांना १२ टक्के मते मिळण्याचा अंदाज आहे.
भाजप- २६
काँग्रेस- ००
राजस्थान- २५ जागा
राज्यात भाजप क्लीन स्वीप करेल असे अंदाज या सर्व्हेत व्यक्त करण्यात आला आहे. राज्यातील २५ पैकी २५ जागांवर भाजप विजय मिळेल. मतांच्या टक्केवारीत भाजपला ५८.६ टक्के तर काँग्रेलला ३५ टक्के मते मिळू शकतील.
भाजप- २५
काँग्रेस-००
आंध्र प्रदेश- २५ जागा
आंध्र प्रदेशमधील अंदाज सर्वात धक्कादायक दिसत आहे. गेल्या निवडणुकीत मुख्यमंत्री जगनमोहन रेड्डी यांच्या पक्षाने २२ जागा जिंकल्या होत्या. यावेळी ते फक्त ८ जागा जिंकतील असा अंदाज वर्तवण्यात आलाय. तर चंद्रबाबू नायडू यांच्या टीडीपीच्या जागा ३ वरून १७ होण्याचा अंदाज वर्तवला आहे.
भाजप-००
काँग्रेस- ००
YSRCP- ०८
टीडीपी- १७
छत्तीसगड-११ जागा
२०१९ मध्ये राज्यात भाजपने ९ जागा जिंकल्या होत्या. यावेळी ११ जागा जिंकण्याचा अंदाज आहे. तर २०१९ मध्ये २ जागा जिंकणाऱ्या काँग्रेसला एका जागेचे नुकसान होण्याचा अंदाज वर्तवण्यात आलाय. भाजपला मतांच्या टक्केवारीत देखील फायदा होइल असे सर्व्हेत म्हटले आहे. भाजपला ५३.९ टक्के तर काँग्रेसला ३८.२ टक्के मते मिळू शकतील.
भाजप- १०
काँग्रेस-०१
मध्य प्रदेश- २९ जागा
राज्यातील २९ पैकी २८ जागा भाजपला तर दोन जागा काँग्रेसला मिळण्याची शक्यता आहे. गेल्यावेळी काँग्रेसला फक्त एका जागेवर विजय मिळवता आला होता. यावेळी त्यांना १ जागा जास्त मिळण्याची शक्यता आहे. मतांच्या टक्केवारीत भाजपला ५८ टक्के तर काँग्रेसला ३८.२ टक्के मते मिळू शकतात.
भाजप- २७ (२०१९-२८)
काँग्रेस- ०२ (२०१९-०१)
हिमाचल प्रदेश- ०४ जागा
भाजप-०४
काँग्रेस-००
पंजाब- १३ जागा
राज्यातील १३ पैकी आप आणि काँग्रेसला प्रत्येकी ५ जागा, भाजपला फक्त २ तर अकाली दलला फक्त १ जागा मिळण्याचा अंदाज या सर्व्हेतून व्यक्त करण्यात आला आहे. मतांच्या टक्केवारीचा विचार करता आपची टक्केवारी वाढून ती २७.२ टक्के, काँग्रेसला ३७.६, भाजपला १६.९, अकाली दलला १४.४ तर अन्यला ३.९ टक्के इतकी मते मिळण्याची शक्यता आहे.
भाजप-०२ (२०१९-०२)
काँग्रेस-०५(२०१९-०८)
आप-०५ (२०१९-०१)
अकाली दल-०१ (२०१९-०२)
हरियाणा- १० जागा
लोकसभेच्या १० जागा असलेल्या हरियाणामध्ये भाजपला ८ जागा तर काँग्रेसला २ जागा मिळण्याची शक्यता आहे. गेल्या निवडणुकीत काँग्रेसला एकही जागा मिळली नव्हती.मतांच्या टक्केवारीत भाजपला ६० टक्के, काँग्रेसला २९ टक्के तर अन्यला ११ टक्के मिळण्याची शक्यता आहे.
भाजप-०८
काँग्रेस- ०२
उत्तराखंड- ०५ जागा
सर्व्हेनुसार राज्यात भाजप क्लीन स्वीप करण्याची शक्यता आहे. राज्यातील सर्व जागा भाजपला मिळू शकतात. मतांच्या टक्केवारीचा विचार करता भाजपला ५८.६ टक्के तर काँग्रेसला ३२ टक्के मते मिळू शकतात.
भाजप-०५
काँग्रेस-००
कर्नाटक- २८ जागा
२०१९च्या निवडणुकीत भाजप आघाडीला २५ जागा मिळाल्या होत्या. काँग्रेस आणि जेडीएसला प्रत्येकी १ तर १ जागा अन्यला मिळाली होती. यावेळी भाजपला २४ जागा तर काँग्रेसला ४ जागा मिळण्याचा अंदाज आहे. २०२४च्या लोकसभेसाठी राज्यात भाजप आणि जेडीएस यांची आघाडी आहे. मतांच्या टक्केवारीचा विचार करता भाजपला ५२ टक्के, काँग्रेसला ४२.३ टक्के तर अन्यला ४.८ टक्के मते मिळू शकतील.
भाजप-२४
काँग्रेस-०४
केरळ- २० जागा
मूड ऑफ नेशननुसार आज निवडणुका झाल्यास तर केरलमधील १८ जागा काँग्रेस आघाडीला मिळतील. तर अन्य दोन जागांवर डाव्या आघाडीला विजय मिळेल. मतांच्या टक्केवारीचा विचार केल्यास भाजपला १६.५ टक्के, काँग्रेसला ४५.७ टक्के आणि डाव्या आघाडीला ३२.३ टक्के मते मिळण्याची शक्यता आहे.
काँग्रेस आघाडी- १८
डावे पक्ष- ०२
भाजप-००
तामिळनाडू- ३९ जागा
राज्यातील ३९ जागांवर यावेळी मुख्यमंत्री स्टालिन यांच्या डीएमकेला ३१ जागा तर काँग्रेसला ८ जागा मिळण्याची शक्यता आहे. राज्यात डीएमके आणि काँग्रेस यांची आघाडी आहे. तर अण्णा डीएमके, डावे आणि भाजपचे खाते यावेळी देखील खुलणार नाही असा अंदाज वर्तवण्यात आलाय.
डीएमके- ३१ (२०१९-२४)
काँग्रेस-०८ (२०१९-०८)
अण्णा डीएमके- ०० (२०१९-०१)
डावे- ०० (२०१९-०४)
भाजप- ०० (२०१९-००)
अन्य-०२
बिहार- ४० जागा
एनडीए-३२ (२०१९)
इंडिया आघाडी- ०८
गोवा- ०२ जागा
भाजप-०१ (मतांची टक्केवारी-३७.१)
काँग्रेस-०१ (मतांची टक्केवारी-४७)
[ad_2]
Source link