बडोदा: भारताचे सर्वात वयस्कर कसोटी क्रिकेटपटू आणि माजी कर्णधार दत्ताजीराव कृष्णराव गायकवाड यांचे मंगळवारी बडोदा येथील राहत्या घरी निधन झाले. ते ९५ वर्षांचे होते. १९५२ मध्ये इंग्लंड दौऱ्यात गायकवाड यांनी भारताकडून कसोटीत पदार्पण केले आणि त्यानंतर देशासाठी आणखी १० कसोटी सामने खेळले, १९६१ मध्ये चेन्नई येथे पाकिस्तान विरुद्धचा शेवटचा सामना ते खेळले होते. सहा वर्षांनंतर, १९५९ मध्ये इंग्लंडच्या दौऱ्यात राष्ट्रीय संघाचा कर्णधारपद त्यांच्याकडे होते. त्यांनी या दौऱ्यात ११०० हून अधिक धावा केल्या, तर इंग्लंडने पाहुण्यांचा ५-० अशा व्हाईटवॉश केला.

DK म्हणून प्रसिध्द असलेल्या दत्ताजीराव गायकवाड यांनी १९५२ ते १९६१ या कालावधीत क्रिकेट मैदान त्यांनी गाजवले होते. शानदार फटकेबाजी करणे आणि बचावात्मक फलंदाजी यात माहीर होते. गायकवाड यांनी देशांतर्गत क्रिकेटमध्ये आपली शानदार कामगिरी केली आणि १९५७-५८ च्या हंगामात बडोद्याला जवळजवळ दशकभरात पहिले रणजी ट्रॉफी जेतेपद मिळवून दिले. गायकवाडने फायनलमध्ये सर्व्हिसेसविरुद्धच्या डावात शतक (१३२) ठोकले. त्यांनी ११० प्रथम-श्रेणी सामन्यांमध्ये १७ शतकांसह ५७८८ धावा केल्या आणि २४९* ही त्यांच्या कारकिर्दीतील सर्वोत्तम धावसंख्या आहे.

२०१६ मध्ये क्रिकेटपटू दीपक शोधन यांचे वयाच्या ८७ व्या वर्षी दुःखद निधना झाल्यानंतर गायकवाड हे सर्वात वयस्कर भारतीय क्रिकेटपटू म्हणून होते. आता डीके यांच्या निधनानंतर सी.डी. गोपीनाथ हे सर्वात वयस्कर भारतीय क्रिकेटपटू असतील. दत्ताजीराव गायकवाड हे भारताचे माजी क्रिकेटपटू अंशुमन गायकवाड यांचे वडील आहेत, ज्यांनी दोन वेळा राष्ट्रीय संघाचे प्रशिक्षकपदही भूषवले होते.



Source link

Leave a Reply

Your email address will not be published. Required fields are marked *