मुंबई: माजी मुख्यमंत्री अशोक चव्हाण भारतीय जनता पक्षात प्रवेश करतील. त्यांच्या पक्षांतरामुळे काँग्रेसला मोठा धक्का बसणार आहे. भाजपनं लोकसभा निवडणुकीत राज्यातील ४८ पैकी ४५ जागा जिंकण्याचं लक्ष्य ठेवलं आहे. चव्हाण यांच्या भाजप प्रवेशामुळे नांदेडसह आसपासच्या मतदारसंघांमध्ये भाजपसाठी लढत सोपी होऊ शकेल. चव्हाण यांना भाजपकडून राज्यसभेवर पाठवलं जाऊ शकतं.

अशोक चव्हाण राज्यात उपमुख्यमंत्रिपद मिळावं यासाठी आग्रही होती. तशी मागणी त्यांनी वाटाघाटी सुरू असताना केली होती, असं वृत्त न्यू इंडियन एक्स्प्रेसनं दिलं आहे. ‘अशोक चव्हाणांनी उपमुख्यमंत्रिपदाची मागणी केली होती. पण या मागणीला भाजपचे नेते आणि उपमुख्यमंत्री देवेंद्र फडणवीस यांनी कडाडून विरोध केला. चव्हाण यांना उपमुख्यमंत्रिपद दिल्यास एकाच पक्षाचे नेते उपमुख्यमंत्री होतील आणि पक्षात दोन सत्ताकेंद्रं तयार होतील. चव्हाण मराठा चेहरा म्हणून पर्याय ठरतील,’ अशी भीती फडणवीसांनी व्यक्त केल्याचं वरिष्ठ पत्रकार सुधीर सूर्यवंशींनी त्यांच्या ट्विटमध्ये म्हटलं आहे.
ना सभा, ना शक्तिप्रदर्शन; सगळ्या मनसुब्यांवर पाणी; चव्हाणांना भाजप प्रवेशाची इतकी घाई का?
येत्या काही काळात काँग्रेसचे १५ आमदार भाजपमध्ये प्रवेश करतील, असं न्यू इंडियन एक्स्प्रेसनं वृत्तात म्हटलं आहे. ‘अशोक चव्हाणांनी काँग्रेस नेत्यांसाठी भाजपची दारं उघडली आहेत. राज्यसभेच्या निवडणुकीत काँग्रेसचे १५ आमदार त्यांच्या पक्षाच्या उमेदवाराविरोधात क्रॉस वोटिंग करतील. त्यानंतर ते भाजपमध्ये प्रवेश करतील. यातील काही जणांना भाजप लोकसभेच्या निवडणुकीत उमेदवारी देईल,’ अशी सुत्रांची माहिती आहे. त्यामुळे राज्यसभेच्या निवडणुकीत पुन्हा एकदा नाट्यमय घडामोडी घडण्याची शक्यता आहे. २०२२ मध्ये राज्यसभेच्या निवडणुकीतच महाविकास आघाडी सरकारला पहिला धक्का बसला होता आणि सरकार पडण्याची प्रक्रिया सुरू झाली होती.
अशोक चव्हाणांना उपमुख्यमंत्री व्हायचं होतं, पण फडणवीसांचा कडाडून विरोध; कारण काय?
चव्हाणांना काय मिळणार?
अशोक चव्हाण यांना भाजप राज्यसभेवर पाठवण्याची शक्यता आहे. त्यांना केंद्रात मंत्रिपद दिलं जाऊ शकतं. चव्हाण यांच्या कन्येला येत्या विधानसभा निवडणुकीत भाजपकडून उमेदवारी दिली जाऊ शकते. अशोक चव्हाण निवडून येत असलेल्या भोकर विधानसभा मतदारसंघातून तिला तिकीट दिलं जाऊ शकतं. राज्यात भाजपची सत्ता कायम राहिल्यास चव्हाण यांच्या कन्येला पुढील मंत्रिमंडळात संधी मिळू शकते.



Source link

Leave a Reply

Your email address will not be published. Required fields are marked *