मुंबई : शेअर बाजारात सूचीबद्ध स्मॉलकॅप स्टॉक्समध्ये सातत्याने तेजी पाहायला मिळत आहे. तेजीच्या बाजारात ज्या गुंतवणूकदारांनी पोर्टफोलिओमध्ये स्मॉल कॅप शेअर्स जोडले त्यांचा यावेळी बंपर नफा झाला असेल. आज आपण अशाच एका पेनी स्टॉकबद्दल जाणून घेणार आहोत, ज्यामध्ये पाच वर्षांपूर्वी एक रुपये गुंतवले असते तर आज गुंतवणूकदार नक्कीच करोडपती बनले असते.

पायाभूत सुविधा (इन्फ्रास्ट्रक्चर) क्षेत्राशी संबंधित हजूर मल्टी प्रोजेक्ट्स लिमिटेडचे शेअर गेल्या काही दिवसांपासून विक्रमी तेजीने वाढत असून या कंपनीच्या शेअरची किमतीत सतत अप्पर सर्किटला धडक देत आहे आणि आजही स्टॉक अप्पर सर्किटला ट्रेंड करत आहे.

आता हा बनणार देशातील सर्वात मोठा IPO; एलआयसीचे सर्व रेकॉर्ड मोडणार, गुंतवणूकदारांची दिवाळी गोड होणार
इन्फ्रा क्षेत्राचा स्टॉक जोरदार तेजीत
मंगळवारी शेअर बाजाराच्या दुपारच्या व्यवहारात चांगली तेजी राहिली आणि १२ वाजता बीएसई सेन्सेक्स ३९० अंक उसळीसह ७२,१२१ अंकांवर पोहोचला, तर निफ्टी २१,८९९ अंक वाढीसह २१,८९९ अंकांवर व्यापार करत होता. दरम्यान, बाजाराच्या तेजीत रियल्टी कंपनी हजूर मल्टी प्रोजेक्ट्सच्या शेअरला ५% अप्पर सर्किट लागले आणि १८ रुपयांनी वाढून ३७९.७९ रुपयांवर झेप घेतली.

विशेष म्हणजे या इन्फ्रा शेअरची किंमत गेल्या पाच दिवसांत सुमारे १४% वधारली तर गेल्या सहा महिन्यांत स्टॉकमध्ये २०५% हून अधिक वाढ तेजी पाहायला मिळाली. तसेच सहा महिन्यांपूर्वी, ७ ऑगस्ट २०२३ रोजी कंपनीच्या शेअरची किंमत केवळ १२६.१० रुपये होती म्हणजेच गेल्या सहा महिन्यांत शेअरची किंमत तीन पटीने वाढली.

दोन दिवसात ४५ हजार कोटी स्वाहा, आता NSE-BSEचा मोठा निर्णय! पेटीएम स्टॉकबाबत आली मोठी अपडेट
लाखोंच्या गुंतवणुकीवर कोटींचा परतावा
हझूर मल्टी प्रोजेक्ट कंपनीचा शेअर, मार्केटमधील सर्वोत्तम मल्टीबॅगर स्टॉकपैकी एक असून याचे कारणही ठोस आहे. गेल्या एका वर्षात स्टॉकचा ने जवळपास २६० टक्के दिला असला तरी तीन वर्षांत १३,५०० टक्के आणि पाच वर्षांत ३२,६५० टक्के रिटर्न्स दिले. म्हणजेच शेअरने तीन वर्षांत एक लाख रुपयांची गुंतवणूक १.३५ कोटी रुपये आणि पाच वर्षांत ३.५३ कोटी रुपयांचा परतावा दिला.

याशिवाय बीएसई वेबसाइटवर उपलब्ध माहितीनुसार, ३१ जानेवारी २०२४ पासून हजूर मल्टी प्रोजेक्ट्सच्या शेअरला सतत अप्पर सर्किट लागत असून कंपनीचे शेअर ५% अप्पर सर्किटला धडक देत आहेत. ३१ जानेवारी रोजी ५% अपार सर्किटला स्पर्श केल्यापासून स्मॉल-कॅप कंपनीचा स्टॉक सतत अप्पर सर्किट हिट करत आहे.

Penny Stocks देतील झटपट पैसा, पण या गोष्टींची काळजी घ्या, पाहा काय करावे अन् काय करू नये
कंपनीचा व्यवसाय काय?
सुमारे ७०९ कोटी रुपयांच्या मार्केट कॅप असलेली हजूर मल्टी प्रोजेक्ट्स लिमिटेड कंपनी महाराष्ट्रासह दक्षिण भारतात कार्यरत असून एक आघाडीची पायाभूत सुविधा कंपनी आहे. अलीकडेच, विदेशी गुंतवणूकदारांनी हजूर मल्टी प्रोजेक्ट्स लिमिटेडचे ३८ लाख शेअर खरेदी केले आहेत. तर प्रेफरेंशियल इश्यूद्वारे विदेशी गुंतवणूकदारांना शेअर्सच्या विक्रीची किंमत १७८ रुपये प्रति शेअर ठेवण्यात आली असून बुधवार ६ डिसेंबर रोजी हजूर मल्टी प्रोजेक्ट्स लिमिटेडच्या संचालक मंडळाची बैठक झाली ज्यामध्ये ९७.९० कोटी रुपयांच्या प्राधान्यक्रमास मान्यता देण्यात आली.

Read Latest Business News

(Disclaimer: येथे दिलेला तपशील केवळ माहितीसाठी आहे. शेअर बाजारातील गुंतवणूक जोखमीच्या अधीन असते, त्यामुळे पैसे गुंतवण्यापूर्वी नेहमी तज्ञाचा सल्ला घ्या. महाराष्ट्र टाइम्स कधीही कोणालाही पैसे गुंतवण्याचा सल्ला देत नाही.)



Source link

Leave a Reply

Your email address will not be published. Required fields are marked *