मुंबई : शिवसेना उद्धव बाळासाहेब ठाकरे पक्षाचे खासदार संजय राऊत यांनी सलग चौथ्या दिवशी महायुती सरकारमधील नेत्यांचे कुख्यात गुंडांसोबत फोटो शेअर करण्याचा धडाका लावला आहे. संजय राऊत यांनी ‘एक्स’ या सोशल मीडियावरुन आणखी एक फोटो ट्वीट केला आहे. मुख्यमंत्री एकनाथ शिंदे यांच्या उपस्थितीत पक्षप्रवेश करणारी व्यक्ती पुणे-ठाण्यातील नामचिन गुंड असल्याचा दावा संजय राऊत यांनी केला आहे. संजय राऊत यांनी शेअर केलेल्या फोटोत एका व्यक्तीभोवती वर्तुळ केले असून त्याच्या गळ्यात शिवसेनेचं नाव असलेलं उपरणं आहे.

संजय राऊत यांच्या पोस्टमध्ये काय?

“शिंदे गँग च्या डोक्यावर आणखी एक मानाचा तुरा.. ठाणे पुणे परिसरात हत्या, अपहरण, सोन्या चांदीच्या दुकानांवर दरोडे.. अशा दाखलेबाज गुन्ह्यात सहभागी असलेल्या या महाशयांचे स्वागत मुख्यमंत्री उत्साहाने करीत आहेत! पुणे आणि ठाणे पोलीस आयुक्तांनी या दाखलेबाज महात्म्याची माहिती जाहीर करावी! #गुंडांनी गुंडासाठी चालविलेले राज्य!” असे कॅप्शन संजय राऊत यांनी ‘एक्स’ या सोशल मीडियावर शेअर केलेल्या फोटोला दिले आहे.

श्रीकांत शिंदेंच्या वाढदिवशी ‘वर्षा’वर गुंड, भेट घडवणाऱ्या युवासेना पदाधिकाऱ्याची हकालपट्टी

कुख्यात गुंड जितेंद्र जंगम, निलेश घायवळ यांच्यासोबत मुख्यमंत्री एकनाथ शिंदे यांचे, तर हेमंत दाभेकर याच्यासोबत शिवसेना खासदार श्रीकांत शिंदे यांचे फोटो संजय राऊत यांनी शेअर केले आहेत. संजय राऊत यांनी फोटो ट्वीट केल्यानंतर राजकीय वर्तुळात मोठी खळबळ उडाली. हेमंत दाभेकर याची भेट घडवून आणणाऱ्या युवासेना पदाधिकाऱ्याची पदावरुन हकालपट्टी करण्यात आली. दुसरीकडे सिमी या बंदी असलेल्या दहशतवादी संघटनेशी संबंधित संशयित आसिफ दाढी याने उपमुख्यमंत्री अजित पवार यांची भेट घेतल्याचं समोर आलं होतं.

अमित शाहांनी ‘सिमी’वरची बंदी वाढवली, आठवडाभरात संशयित आसिफ दाढी अजितदादांच्या भेटीला
गुंड आणि राजकीय नेत्यांची भेट किंवा पक्ष प्रवेश हे महाराष्ट्रात समीकरण होताना दिसत आहे. त्यासोबत शिक्षणाची मायानगरी पुणे शहर हे गुन्हेगारीचं हब झालं आहे. यातच पुण्यातले एकूण एक नामांकित गुन्हेगार हे वरिष्ठ नेते किंवा थेट मुख्यमंत्री-उपमुख्यमंत्री यांची भेट घेत आहेत. त्यामुळे गुन्हे करण्यांसाठी गुन्हेगारांना आणखीनच बळ मिळत आहे.

रिल्स टाकले तर थेट तडीपार; अमितेश कुमारांची शेवटची वाॅर्निंग, रांगेत गजा मारणेही हात बांधून उभा

Read Latest Maharashtra News Updates And Marathi News



Source link

Leave a Reply

Your email address will not be published. Required fields are marked *